ప్రపంచంలోనే అత్యంత వృద్ధురాలు కన్నుమూత

ప్రపంచంలోనే అత్యంత వృద్ధురాలు, ఫ్రెంచ్ సన్యాసిని లూసిల్ రాండన్ 118 ఏళ్ల వయసులో మరణించినట్లు ఆమె ప్రతినిధి మంగళవారం తెలిపారు. సిస్టర్ ఆండ్రీ అని పిలువబడే రాండన్ ఫిబ్రవరి 11, 1904న దక్షిణ ఫ్రాన్స్‌లో మొదటి ప్రపంచ యుద్ధం ఇంకా ఒక దశాబ్దం దూరంలో ఉన్నప్పుడు జన్మించింది. టౌలాన్‌లోని తన నర్సింగ్‌హోమ్‌లో ఆమె నిద్రలోనే మరణించిందని ఆమె ప్రతినిధి డేవిడ్ తవెల్లా తెలిపారు. "చాలా విచారంగా ఉంది కానీ... తన ప్రియమైన సోదరుడితో చేరాలనేది ఆమె కోరిక. ఆమెకు ఇది ఒక విముక్తి" అని సెయింట్-కేథరీన్-లేబర్ నర్సింగ్ హోమ్‌కు చెందిన తవెల్లా చెప్పారు.

రాండన్ న్యూయార్క్ తన మొదటి సబ్‌వేని ప్రారంభించిన సంవత్సరంలో జన్మించారు. 1944లో సిస్టర్‌ ఆండ్రీగా మారిన ఆమె 1918లో స్పానిష్‌ ఫ్లూ మహమ్మారి నుంచి బయటపడ్డారు. కొవిడ్‌-19 నుంచి బయటపడిన అత్యంత వృద్ధురాలిగా గుర్తింపు పొందారు. ఉపాధ్యాయురాలిగా, గవర్నస్‌గా పని చేసిన ఆండ్రీ.. రెండు ప్రపంచ యుద్ధాలను కళ్లారా చూసిన వ్యక్తిగా గుర్తింపు పొందారు. విచీ, ఆవెర్గ్నే-రోన్‌-ఆల్ఫ్స్‌లోని దవాఖానలో 28 ఏళ్లపాటు అనాథలు, వృద్ధులకు సేవలు అందించారు. ఇప్పటి వరకు నమోదైన ఫ్రెంచ్‌, యూరోపియన్‌ వృద్ధులలో ఆండ్రీ మూడో వ్యక్తిగా రికార్డుల్లో నిలిచారు.

గత సంవత్సరం 119 సంవత్సరాల వయస్సులో జపాన్‌కు చెందిన కేన్ తనకా మరణించడానికి ముందు, ఆండ్రీ చాలా కాలం పాటు పురాతన యూరోపియన్‌ వ్యక్తిగా పరిగణించబడింది. ఆమె భూమిపై ఎక్కువ కాలం జీవించిన వ్యక్తిగా మిగిలిపోయింది. ఏప్రిల్ 2022లో గిన్నిస్ వరల్డ్ రికార్డ్స్ అధికారికంగా ఆమె హోదాను గుర్తించింది.