డెయిరీ ఫామ్‌లో భారీ పేలుడు.. 18 వేలకు పైగా ఆవులు మృతి

టెక్సాస్‌లోని సౌత్‌ఫోర్క్ డైరీ ఫామ్స్‌లో మంగళవారం నాడు భారీ పేలుడుతో అగ్నిప్రమాదం సంభవించింది. ఈ ఘటనలో 18,000 కంటే

By అంజి
Published on : 14 April 2023 10:00 AM IST

fire explosion, texas,  Southfork Dairy Farms, international news

డెయిరీ ఫామ్‌లో భారీ పేలుడు.. 18,000 పైగా ఆవులు మృతి

టెక్సాస్‌లోని సౌత్‌ఫోర్క్ డైరీ ఫామ్స్‌లో మంగళవారం నాడు భారీ పేలుడుతో అగ్నిప్రమాదం సంభవించింది. ఈ ఘటనలో 18,000 కంటే ఎక్కువ ఆవులు మరణించాయి. ఈ సంఘటన అమెరికాలో రికార్డు స్థాయిలో జరిగిన ఘోరమైన అగ్ని ప్రమాదాన్ని సూచిస్తోందని అని రాయిటర్స్ నివేదిక తెలిపింది. అగ్నిప్రమాదానికి గల కారణాలు ఇంకా తెలియరాలేదు. పొలం యజమాని కుటుంబం ఈ సంఘటనపై ఇప్పటివరకు ఎటువంటి వ్యాఖ్యలు చేయలేదు. ప్రాణాలు కోల్పోయిన ఆవుల విలువ 36 మిలియన్ డాలర్లకుపైనే ఉంటుందని అంచనా.

క్యాస్ట్రో కౌంటీ షెరీఫ్ ఆఫీస్ షేర్ చేసిన చిత్రాలలో మంటలు ఒక భవనం గుండా పైకి దూసుకుపోతున్నట్లు చూపించాయి. కాలిపోతున్న భవనంలో చిక్కుకున్న ఒక వ్యక్తిని అగ్నిమాపక సిబ్బంది రక్షించినట్లు షెరీఫ్ కార్యాలయం తెలిపింది. ప్రజారోగ్యం, భద్రత కోసం పొలానికి వెళ్లే అన్ని రహదారులు మూసివేయబడ్డాయి. డైయిరీ ఫామ్‌లోని మిషన్లు వేడెక్కడం వల్లే ఈ ప్రమాదం జరిగి ఉంటుందని అధికారులు అభిప్రాయపడుతున్నారు. పేలుడు తర్వాత భారీ స్థాయిలో మీథేన్‌ రిలీజ్‌ కావడంతో ఆవులు మృతి చెంది ఉంటాయని చెబుతున్నారు.

అయితే ప్రమాదానికి గల స్పష్టమైన కారణం తెలియరాలేదు. డెయిరీ ఫాంలో పేడ ఎక్కువగా నిల్వ ఉండటం వల్ల మీథేన్‌ వాయువు ఎక్కువ మొత్తంలో వెలువడుతుంది. ఈ భారీ అగ్ని ప్రమాదం తర్వాత ప్రతి సంవత్సరం వందల వేల వ్యవసాయ జంతువులను చంపే అగ్ని ప్రమాదాలను నివారించడానికి సమాఖ్య చట్టాల కోసం పిలుపునిచ్చింది. గత దశాబ్దంలో అమెరికాలో ఇటువంటి మంటల్లో దాదాపు 6.5 మిలియన్ల వ్యవసాయ జంతువులు చనిపోయాయి. 2013 తర్వాత డెయిరీ ఫామ్‌లో ఇంత పెద్ద ప్రమాదం జరగడం ఇదే తొలిసారని అమెరికా జంతు సంరక్షణ అధికారులు చెబుతున్నారు.

Next Story