జీ20 సదస్సు: బ్రెజిల్ చేరుకున్న ప్రధాని మోదీ

జీ20 సదస్సులో పాల్గొననున్న ప్రధాని నరేంద్ర మోడీ తన మూడు దేశాల పర్యటనలో భాగంగా సోమవారం బ్రెజిల్ చేరుకున్నారు. నైజీరియాలో "ఉత్పాదక" పర్యటన ముగించుకుని దక్షిణ అమెరికా దేశానికి చేరుకున్న మోదీ.. అక్కడ అధ్యక్షుడు బోలా అహ్మద్ టినుబుతో ద్వైపాక్షిక చర్చలు జరిపారు. అక్కడున్న భారతీయులతో సంభాషించారు. బ్రెజిల్‌లో మోదీ రాకను ప్రకటిస్తూ, విదేశాంగ మంత్రిత్వ శాఖ ఎక్స్‌ పోస్ట్‌లో, “G20 బ్రెజిల్ సమ్మిట్‌కు హాజరయ్యేందుకు ప్రధాన మంత్రి నరేంద్ర మోడీ బ్రెజిల్‌లోని రియో ​​డి జెనీరో చేరుకున్నారు” అని తెలిపింది.

విమానాశ్రయంలో మోదీకి స్వాగతం పలికిన ఫొటోలను కూడా షేర్ చేసింది. తన రాకను ప్రకటిస్తూ మోదీ తన అధికారిక ఎక్స్‌ పోస్ట్‌లో ''G20 సమ్మిట్‌లో పాల్గొనడానికి బ్రెజిల్‌లోని రియో ​​డి జనీరోలో ల్యాండ్ అయ్యాను. వివిధ ప్రపంచ నాయకులతో శిఖరాగ్ర చర్చలు, ఫలవంతమైన చర్చల కోసం నేను ఎదురుచూస్తున్నాను'' పేర్కొన్నారు.

బ్రెజిల్‌లో ప్రధాని మోదీ ట్రోయికా సభ్యునిగా 19వ G20 సమ్మిట్‌లో పాల్గొంటాడు. బ్రెజిల్, దక్షిణాఫ్రికాతో పాటు భారతదేశం G20 ట్రోయికాలో భాగం. నవంబర్ 18-19 తేదీలలో జరిగే రియో ​​డి జెనీరో శిఖరాగ్ర సమావేశానికి హాజరయ్యే నాయకులలో మోడీతో పాటు, చైనా అధ్యక్షుడు జి జిన్‌పింగ్, అతని యుఎస్ కౌంటర్ జో బిడెన్ కూడా ఉన్నారు. తన పర్యటన యొక్క మూడవ,చివరి దశలో, మోడీ నవంబర్ 19 నుండి 21 వరకు అధ్యక్షుడు మొహమ్మద్ ఇర్ఫాన్ అలీ ఆహ్వానం మేరకు గయానాలో పర్యటించనున్నారు. 50 ఏళ్ల తర్వాత భారత ప్రధాని గయానాలో పర్యటించడం ఇదే తొలిసారి.