పాకిస్థాన్ గుట్టు రట్టు చేసిన ఆ దేశ మాజీ.. ఏకంగా లాడెన్ నుండి డబ్బులు లాగాడట

పాకిస్థాన్.. ఉగ్రవాదులు ఎంతో స్వేచ్ఛగా బ్రతికేయొచ్చు. ఏ మాత్రం టెన్షన్ లేకుండా ఆ దేశ రాజకీయనాయకులకు డబ్బులు ఇస్తూ హ్యాపీగా ఉండేయొచ్చు. గతంలో ఎంతో మంది ఉగ్రవాదులకు పాకిస్థాన్ మద్దతుగా నిలిచింది. ఇప్పుడు కూడా ఎంతో మంది తీవ్రవాదులకు కొమ్ముకాస్తోంది పాకిస్థాన్. భారత్ కూడా పాకిస్థాన్ ను నమ్మకండి అంటూ ఎన్నో సార్లు చెప్పింది. కానీ పాకిస్థాన్ ఆడే డబుల్ గేమ్ ను అమెరికా అర్థం చేసుకోడానికి చాలా సంవత్సరాలే పట్టింది. అంతర్జాతీయ ఉగ్రవాది అయిన ఒసామా బిన్ లాడెన్ కు కొన్ని సంవత్సరాలుగా అట్టి పెట్టుకుని ఉంది పాక్. ఎట్టకేలకు అమెరికాకు దానికి సంబంధించిన సమాచారం దొరకడం.. మట్టుబెట్టడం వెంట వెంటనే జరిగిపోయాయి. అప్పుడు కానీ పాకిస్థాన్ బుద్ధి అమెరికాకు అర్థం కాలేదు.

తాజాగా పాకిస్థాన్ కు సంబంధించి ఓ షాకింగ్ నిజం బయటకొచ్చింది. ఒసామా బిన్ లాడెన్‌ను, అప్పటి పాక్ ప్రధాని నవాజ్ షరీఫ్‌కు మధ్య సంబంధాలుండేవట. షరీఫ్‌కు లాడెన్‌ ఆర్థికంగా ఒసామా మద్దతునిచ్చేవాని పాక్ మాజీ ఉన్నతాధికారి ఒకరు స్వయంగా వెల్లడించారు. బిన్ లాడెన్‌‌-నవాజ్‌ షరీఫ్‌ల మధ్య ఓ విషయంలో ఒప్పందం ఉండేదని.. లాడెన్‌ తరచూ షరీఫ్‌కు ఆర్థిక సాయం చేసేవారని గతంలో అమెరికాలో పనిచేసిన పాకిస్థాన్‌ రాయబారి అబిదా హుస్సేన్‌ చెప్పుకొచ్చారు. ఓ ప్రముఖ ప్రైవేట్‌ ఛానెల్‌కు ఇచ్చిన ఇంటర్వ్యూలో ఆమె ఈ విషయాన్ని బయటపెట్టారు. షరీఫ్‌ హయాంలో అబిదా హుస్సేన్‌ మంత్రిగా కూడా బాధ్యతలు నిర్వహించారు. ఆమె చెబుతోంది నిజాలేనని అందరూ అనుకుంటూ ఉన్నారు.

ఇక అవినీతి ఆరోపణల కేసులో 2017లో పదవీచ్యుతుడైన నవాజ్‌ షరీఫ్‌ ప్రస్తుతం లండన్‌లో ఆశ్రయం పొందుతున్నారు. అరెస్టు నుంచి తప్పించుకోవడానికి అనారోగ్య కారణాలతో గత కొన్ని నెలలగా అక్కడే జీవిస్తున్నారు.