కారును పక్కన పడేసి.. కాలినడకన ఉక్రెయిన్ నుంచి తప్పించుకున్న స్టార్ హీరో

ఉక్రెయిన్‌పై రష్యా యుద్ధం సామాన్య ప్రజల నుండి సెలబ్రిటీల వరకు కష్టాలను తెచ్చిపెట్టింది. లక్షలాది మంది ప్రజలు ఉక్రెయిన్‌ దేశాన్ని వీడి.. తమ ప్రాణాలను రక్షించుకునేందకు పక్క దేశాలకు పారిపోతున్నారు. తాజాగా రష్యా దండయాత్ర నేపథ్యంలో.. హాలీవుడ్ నటుడు-దర్శకుడు శాన్ పెన్ పోలాండ్‌కు పారిపోతున్న వేలాది మంది శరణార్థుల మధ్య కాలినడకన వెళ్లారు. ఇటీవల డాక్యుమెంటరీ దృశ్యాలను చిత్రీకరించడానికి ఉక్రేనియన్ రాజధాని కైవ్‌ను సందర్శించారు శాన్‌ పెన్‌. యుద్ధం జరుగుతుండటంతో కాలినడకన ఉక్రెయిన్‌ వార్‌ జోన్‌ నుంచి తప్పించుకున్నాడు. శాన్‌పెన్‌ తన ట్విట్టర్ బ్యాక్‌ప్యాక్ ధరించి, స్ట్రాలర్‌ సూట్‌ కేసును తీసుకెళ్తూ, దూరం వరకు విస్తరించి ఉన్న కార్ల శ్రేణిని చూపించే ఫోటోను పోస్ట్ చేశాడు.

"నేను, ఇద్దరు సహోద్యోగులు మా కారును రోడ్డు పక్కన వదిలిపెట్టిన తర్వాత పోలిష్ సరిహద్దుకు మైళ్ల దూరం నడిచాము" అని శాన్‌ పెన్ క్యాప్షన్‌లో చిత్రంతో ట్వీట్ చేశారు. " ఫోటోలో కనిపిస్తున్న అన్ని కార్లలో మహిళలు, పిల్లలు మాత్రమే ఉన్నారు. వారికున్న ఏకైక ఆస్తి కారు మాత్రమే." అంటూ ట్వీట్‌ చేశారు. అయితే శాన్‌పెన్‌, అతని సహచరులు తమ వాహనాన్ని ఎందుకు వదిలివేయవలసి వచ్చిందో ట్వీట్‌లో వివరించలేదు.

లాస్ ఏంజిల్స్‌లోని మారా బక్స్‌బామ్‌లోని ఒక ప్రతినిధి మంగళవారం ఇమెయిల్ ద్వారా రాయిటర్స్‌తో మాట్లాడుతూ శాన్‌ పెన్ "ఉక్రెయిన్ నుండి సురక్షితంగా బయటపడ్డాడు" అని చెప్పారు. అతని ఆచూకీ లేదా అతను ఉక్రెయిన్ నుండి బయలుదేరిన పరిస్థితుల గురించి ఇతర ప్రశ్నలకు సమాధానం ఇవ్వడానికి ఆమె నిరాకరించింది. రష్యా దండయాత్ర జరిగిన మొదటి రోజున ప్రెసిడెంట్ వోలోడిమిర్ జెలెన్స్కీ కార్యాలయంలో ప్రెస్ బ్రీఫింగ్‌కు హాజరైన శాన్‌ పెన్ గత గురువారం కైవ్‌లో ఉన్నారు. సంక్షోభాన్ని వివరించే డాక్యుమెంటరీ కోసం ఫుటేజీని రికార్డ్ చేశారు. ఆ సమయంలో జెలెన్స్కీ కార్యాలయం ఒక ప్రకటనలో తెలిపింది. "ఈ రోజు ఉక్రెయిన్‌కు మద్దతు ఇస్తున్న వారిలో శాన్ పెన్ కూడా ఉన్నాడు. అలాంటి ధైర్యం, నిజాయితీని ప్రదర్శించినందుకు మన దేశం అతనికి కృతజ్ఞతలు తెలుపుతుంది" అని ప్రకటన పేర్కొంది. ప్రొడక్షన్‌లో భాగంగా ఉక్రేనియన్ రాజకీయ, సైనిక వ్యక్తులతో పాటు జర్నలిస్టులను శాన్‌ పెన్ ఇంటర్వ్యూ చేశాడని, దాని కోసం అతను నవంబర్‌లో మొదట ఉక్రెయిన్‌ని సందర్శించాడని పేర్కొంది.