ఆ చిప్స్ తిని 14 మంది విద్యార్థులు ఆస్పత్రి పాలు
టోక్యోలోని 14 మంది హైస్కూల్ విద్యార్థులు.. ఈశాన్య భారతదేశంలో పండించే భుట్ జోలోకియా అనే మిరపకాయతో తయారు చేసిన సూపర్-స్పైసీ బంగాళాదుంప చిప్స్ తిన్న తర్వాత ఆసుపత్రి పాలయ్యారు.
By అంజి Published on 18 July 2024 5:22 PM IST
చిప్స్ తిని 14 మంది విద్యార్థులు ఆస్పత్రి పాలు
టోక్యోలోని 14 మంది హైస్కూల్ విద్యార్థులు.. ఈశాన్య భారతదేశంలో పండించే భుట్ జోలోకియా అనే మిరపకాయతో తయారు చేసిన సూపర్-స్పైసీ బంగాళాదుంప చిప్స్ తిన్న తర్వాత ఆసుపత్రి పాలయ్యారు. ఆ చిప్స్ ప్యాకెట్లను 18 ఏళ్లలోపు వారు తినకూడదని ప్యాకెట్‌పై తయారీదారు హెచ్చరిక ఉంచింది. అయితే ఓ విద్యార్థి "సరదా కోసం" చిప్‌లను పాఠశాలకు తీసుకువచ్చాడు. రాజా మిర్చి లేదా కింగ్ చిల్లీ అని కూడా పిలువబడే భుట్ జోలోకియా ప్రపంచంలోని అత్యంత మంట రేపే మిరపకాయలలో ఒకటి. ఇది నాగ జోలోకియా, ఘోస్ట్ పెప్పర్, ఘోస్ట్ చిల్లీ పెప్పర్ అని కూడా ప్రసిద్ధి చెందింది. దాదాపు 30 మంది విద్యార్థులు ఈ కర్రీ చిప్‌లను తినడానికి ప్రయత్నించారు. వారిలో 13 మంది బాలికలు, ఒక అబ్బాయితో సహా 14 మంది జూలై 16న ఆసుపత్రి పాలయ్యారని బీబీసీ రిపోర్ట్‌ చేసింది.
ది ఇండిపెండెంట్‌లోని ఒక నివేదిక ప్రకారం.. వారిలో ఒకరు చాలా అనారోగ్యానికి గురయ్యారు. చిప్స్ తిన్న తర్వాత, విద్యార్థులు వికారం, తీవ్రమైన నోటి నొప్పి గురించి ఫిర్యాదు చేయడం ప్రారంభించారు. అగ్నిమాపక శాఖ, పోలీసులకు అత్యవసర కాల్‌లు వచ్చాయి. చిరుతిండిని తయారుచేసే సంస్థ, ఐసోయామా కార్ప్, కస్టమర్‌లకు కలిగిన అసౌకర్యానికి క్షమాపణలు చెబుతూ, విద్యార్థులు త్వరగా కోలుకోవాలని కోరుకుంటూ ఒక ప్రకటన విడుదల చేసింది.
కంపెనీ వెబ్‌సైట్.. "R 18+ కర్రీ చిప్స్" అని పిలిచే క్రిస్ప్స్ గురించి హెచ్చరికలతో నిండి ఉంది. క్రిస్ప్స్ "చాలా కారంగా ఉంటాయి, అవి మీకు నొప్పిని కలిగిస్తాయి" అని అది చెప్పింది. భుత్ జోలోకియా చిప్స్ 18 ఏళ్లలోపు వ్యక్తుల కోసం ఉద్దేశించబడలేదు. ఈ ప్రొడక్ట్‌ 18 ఏళ్లలోపు వారు క్రిస్ప్స్ తినకుండా "నిషేధిస్తుంది", కారంగా ఉండే ఆహార ప్రియులను కూడా "జాగ్రత్తతో తినండి" అని హెచ్చరిస్తుంది. ప్రపంచంలోని అత్యంత వేడి మిరపకాయలలో ఒకటి అయిన భుట్ జోలోకియా అని పిలువబడే శక్తివంతమైన ఘోస్ట్ పెప్పర్ నుండి కారంగా వస్తుంది.
భుట్ జోలోకియా 2007 నుండి 2011 వరకు గిన్నిస్ వరల్డ్ రికార్డ్స్ ద్వారా ప్రపంచంలోని హాటెస్ట్ మిరపకాయగా గుర్తించబడింది.
