తైవాన్‌లో 6.1 తీవ్రతతో భారీ భూకంపం.. తైపీలో కుప్పకూలిన భవనాలు

తైవాన్‌లో భారీ భూకంపం సంభవించింది. తైవాన్‌లోని ఆగ్నేయ తీరప్రాంత కౌంటీ టైటుంగ్‌లో బుధవారం 6.1 తీవ్రతతో భూకంపం సంభవించిందని, తీవ్ర నష్టం జరిగినట్లు తక్షణ నివేదికలు లేవని ద్వీప వాతావరణ యంత్రాంగం తెలిపింది. భూకంపం ధాటికి రాజధాని తైపీలో భవనాలు కుప్పకూలిపోయాయి. జర్మన్ రీసెర్చ్ సెంటర్ ఫర్ జియోసైన్సెస్ (GFZ) ప్రకారం, భూకంపం 11.9 కి.మీ (7.39 మైళ్ళు) లోతులో ఉంది.

తైవాన్‌లోని ఆగ్నేయ తీరప్రాంత కౌంటీ టైటుంగ్‌లో బుధవారం 6.1 తీవ్రతతో భూకంపం సంభవించింది. దీని ప్రభావంతో రాజధాని తైపీలోని భవనాలు కుప్పకూలిపోయాయి. అయితే, ఎటువంటి ప్రాణనష్టం సంభవించలేదని వార్తా సంస్థ రాయిటర్స్ నివేదించింది. తైవాన్ న్యూస్ మీడియా సంస్థ ప్రకారం, భూకంప కేంద్రం టైటుంగ్ కౌంటీ హాల్‌కు ఉత్తరాన 10.1 కిలోమీటర్ల దూరంలో ఉంది. టైటుంగ్ నగరంలో తీవ్రత స్థాయి ఐదుగా నమోదైంది, హువాలియన్ కౌంటీ, పింగ్టుంగ్ కౌంటీలో తీవ్రత స్థాయిలు నాలుగుగా నమోదయ్యాయి. కావోహ్సుంగ్, నాంటౌ కౌంటీ, టైనాన్, చియాయి కౌంటీ, యున్లిన్ కౌంటీ, చియాయి మరియు చాంఘువా కౌంటీ వంటి ప్రదేశాలలో తీవ్రత స్థాయి మూడుగా, తైచుంగ్, మియావోలి కౌంటీ, యిలాన్ కౌంటీ, హ్సించు కౌంటీ, హ్సించు, టాయోయువాన్, న్యూ తైపీ మరియు తైపీలలో తీవ్రత రెండుగా, పెంఘు కౌంటీలో తీవ్రత స్థాయి ఒకటిగా నమోదైంది.

తైవాన్ రెండు టెక్టోనిక్ ప్లేట్ల జంక్షన్ దగ్గర ఉంది. ఇది తరచూగా భూకంపాలకు గురయ్యే అవకాశం ఉంది. 2016లో దక్షిణ తైవాన్‌లో సంభవించిన భూకంపంలో 100 మందికి పైగా మరణించగా, 1999లో 7.3 తీవ్రతతో సంభవించిన భూకంపంలో 2,000 మందికి పైగా మరణించారు. 1999లో 7.3 తీవ్రతతో సంభవించిన మరో భూకంపం కూడా 2,000 మందికి పైగా మరణించింది.