రూ.18 కోట్లకు కన్యత్వాన్ని అమ్ముకున్న‌ యువ‌తి.. త‌ల్లిదండ్రులు ఏమ‌న్నారంటే..?

22 ఏళ్ల యువ‌తి ఆశ్చర్యకరమైన నిర్ణ‌యం తీసుకుంది. తన కన్యత్వాన్ని విక్రయించాలని నిర్ణయించుకుంది. దీని కోసం ఆమె ఒక ఎస్కార్ట్‌ను సంప్రదించి తన కన్యత్వాన్ని విక్రయించే విషయం చెప్పింది. అలాగే కొనుగోలుదారులను త‌న‌కు పరిచయం చేయాలని కోరింది. ఇంకా ఆశ్చర్యకరమైన విషయం ఏంటంటే.. ఆమె కన్యత్వం కోసం బయ్యర్లు క్యూ కట్టడం.. చివరకు వేలం వేయాల్సి రావడంతో పాటు ఓ హాలీవుడ్ నటుడు హయ్యెస్ట్ బిడ్ వేయడం.

మాంచెస్టర్ నివాసి అయిన లారా డిసెంబర్ 2023లో తన కన్యత్వాన్ని విక్రయించాలని నిర్ణయించుకుంది. కొన్ని నెలల తర్వాత.. ఆమె కన్యత్వం వేలం వేయబడింది.. ఇందులో 'చాలా ప్రసిద్ధ హాలీవుడ్ నటుడు' అత్యధిక మొత్తం (1.7 మిలియన్ పౌండ్లు అంటే రూ. 18 కోట్లకు పైగా) చెల్లించి డీల్‌ను గెలుచుకున్నారు. ఈ వేలంలో లండన్ రాజకీయ నాయకుడు.. దుబాయ్ వ్యాపారవేత్త కూడా పాల్గొన్నారు, అయితే చివరికి హాలీవుడ్ నటుడు అత్యధిక బిడ్‌ని వేసి గెలిచాడు.

బిడ్డింగ్ పూర్తయిన తర్వాత ఓ తేదీని నిర్ణయించారు.. ఆ తేదీన 22 ఏళ్ల యువ‌తి లండన్‌లోని ఫైవ్ స్టార్ హోటల్‌లో నటుడిని కలవడానికి వెళ్లింది. ఈ నిర్ణయానికి సంబంధించి తనకు ఎలాంటి సంకోచం లేదా భయాందోళనలు లేవని.. నేను చాలా ఉత్సాహంగా ఉన్నానని లారా చెప్పింది. ఒక సంవత్సరం తర్వాత కూడా.. ఆమె తన నిర్ణయంతో పూర్తిగా సంతృప్తి చెందింది.. ఎలాంటి విచారం కలగలేద‌ని పేర్కొంది.

ఒకవేళ అమ్మకుండా ఎవరితోనైనా సంబంధం పెట్టుకుంటే ఆ వ్యక్తి తనను పెళ్లి చేసుకోకుండా ఉండే అవకాశం ఉందని లారా తెలిపింది. ఇది తెలివైన నిర్ణయం అని.. ఇది తనకు సరైనదని పేర్కొంది. ఈ నిర్ణయానికి మొదట్లో అతని తల్లిదండ్రులు షాక్ అయ్యారు, కానీ తర్వాత వారు కూడా అంగీకరించారు. తాను స్వతంత్ర మహిళనని, ఎవరితో సంబంధాలు పెట్టుకోవాలో ఎవరూ చెప్పలేరని లారా తెలిపింది. తాము కూడా న్యాయపరమైన పెద్దలమని, పూర్తి విజ్ఞతతో ఈ నిర్ణయం తీసుకున్నామన్నారు.

ఈ డీల్‌కు బదులుగా లారా అందుకున్న 1.6 మిలియన్ పౌండ్లు (దాదాపు రూ. 18 కోట్లు) ఆమె జీవితాన్నే మార్చేసింది. ఈ డబ్బుతో పలు అపార్ట్‌మెంట్లు కొనుగోలు చేసి అద్దెకు ఇచ్చింది. అంతే కాకుండా ఖరీదైన బట్టలు కొనుక్కుని చాలా ప్రాంతాలకు తిరిగింది. ఇప్పుడు భవిష్యత్తులో ఆమె 'షుగర్ బేబీ'గా పనిచేయాలనుకుంటోంది. దాని నుండి ప్రతి నెలా దాదాపు 30,000 పౌండ్లు (దాదాపు రూ. 30 లక్షలు) పొందనుంది.