హైదరాబాద్‌లో పీజీ, ప్రైవేట్‌ హాస్టళ్లకు డిమాండ్

హైదరాబాద్ యువ టెక్ నిపుణులు, విద్యార్థులు, ప్రవేశ పరీక్షల పోటీదారులకు కేంద్రంగా మారడంతో, పేయింగ్ గెస్ట్ (పీజీ) వసతి, హాస్టళ్లకు డిమాండ్ భారీగా పెరిగింది. హైదరాబాద్‌లో ఉంటూ జాబ్‌ చేస్తున్న యువత పెద్ద సంఖ్యలో హాస్టళ్లలో ఉంటోంది. వీరి సంఖ్య రోజు రోజుకూ పెరగడంతో హైదరాబాద్ అంతటా పీజీ రేట్లలో గణనీయమైన పెరుగుదల కనిపిస్తోంది. నగరంలో అభివృద్ధి చెందుతున్న ఐటీ, వ్యాపార రంగాలు గచ్చిబౌలి, మాదాపూర్, హైటెక్ సిటీ వంటి ఐటీ ప్రాంతాలలో పీజీ హాస్టళ్లకు డిమాండ్‌ భారీగా ఉంది. ముంబయికి చెందిన లక్ష్మీ శ్రీనివాస్ మాట్లాడుతూ.. ఏడాది కాలంగా డిమాండ్‌ కారణంగా మాదాపూర్‌లోని పీజీ అద్దె పెరిగిందని చెప్పారు. "డబుల్ షేరింగ్ రూమ్ అద్దె గత సంవత్సరం నాకు సుమారు రూ.13,000 ఖర్చవుతుంది, కానీ ఈ సంవత్సరం దానిని రూ.15,000కి పెంచారు" అని చెప్పారు.

నగరం ఒక ప్రముఖ విద్యా కేంద్రంగా ఉద్భవించడంతో, అనేక విశ్వవిద్యాలయాలు, ఇంజినీరింగ్ కళాశాలలు, వృత్తిపరమైన సంస్థలు ఉన్నాయి. దేశంలోని వివిధ ప్రాంతాల నుండి విద్యార్థులు నగరానికి వస్తుండటంతో పీజీ వసతి డిమాండ్‌ పెరిగింది. దీంతో నిర్వాహకులు హాస్టల్‌ ధరలు పెంచుతున్నారు. మరోవైపు అమీర్‌పేట, సోమాజిగూడ, మాసాబ్‌ ట్యాంక్‌ తదితర ప్రాంతాల్లోని పీజీల ధరలు కూడా పెరిగాయి. “నేను ఉండే ట్రిపుల్ షేరింగ్ రూమ్ అద్దె రూ.10,000గా ఉండేది, ఈ ఏడాది అది దాదాపు 25-30 శాతం పెరిగింది. ఎయిర్ కండిషన్డ్ సింగిల్ రూమ్‌ను కోరుకునే వారు షేరింగ్ చేసిన వాటి కంటే రెట్టింపు మొత్తాన్ని చెల్లించాల్సి ఉంటుంది. ’’ అని బీహార్‌కు చెందిన శ్రేయాన్ష్ అనే విద్యార్థి చెప్పాడు.

పీజీలు ప్రవేశ పరీక్షల పోటీదారులకు బెస్ట్‌ ఆప్షన్‌గా మారాయి. ఎందుకంటే హాస్టళ్లు.. రూమ్‌ని అద్దెకు తీసుకుని, వంట చేసుకోవడానికి ప్రత్యామ్నాయంగా ఉన్నాయి. అద్దె సాధారణంగా వెతుకుతున్న పీజీ రకాన్ని బట్టి ఉంటుంది. “ట్రిపుల్ షేరింగ్ రూమ్‌కి ఎక్కడైనా దాదాపు రూ.13,000 ఖర్చవుతుంది, అదే సమయంలో ట్విన్ షేరింగ్ రూమ్‌కి దాదాపు రూ.18,000, ఏసీతో కూడిన సింగిల్ రూమ్ రూ.30,000 వరకు ఉంటుంది”. ఐటీ కంపెనీలు, టెక్ పార్కులు, విద్యాసంస్థలకు సమీపంలో ఉండటం వలన పీజీ వసతికి అధిక డిమాండ్ ఏర్పడుతుంది. దీని వలన యజమానులు ప్రీమియం వసూలు చేస్తున్నారు. అయితే Wi-Fi, శుభ్రపరిచే సేవలు, భద్రత వంటి అదనపు సౌకర్యాలను అందించే వసతి గృహాలు తరచుగా అధిక ధరలను కలిగి ఉంటాయి.