మురుగునీటి పనుల కోసం.. కార్వాన్‌ నియోజకవర్గానికి రూ.290 కోట్లు

Sewage works worth Rs 290 cr commence in Karwan. హైదరాబాద్: మురుగు నీటి నుంచి నిర్వాసితులకు ఉపశమనం కలిగించేందుకు గ్రేటర్ హైదరాబాద్ మున్సిపల్

By అంజి  Published on  16 Dec 2022 9:32 AM GMT
మురుగునీటి పనుల కోసం.. కార్వాన్‌ నియోజకవర్గానికి రూ.290 కోట్లు

హైదరాబాద్: మురుగు నీటి నుంచి నిర్వాసితులకు ఉపశమనం కలిగించేందుకు గ్రేటర్ హైదరాబాద్ మున్సిపల్ కార్పొరేషన్ (జిహెచ్‌ఎంసి), హైదరాబాద్ మెట్రోపాలిటన్ వాటర్ సప్లై అండ్ మురుగునీటి బోర్డు (హెచ్‌ఎండబ్ల్యుఎస్‌ఎస్‌బి) కార్వాన్ నియోజకవర్గంలో రూ.290 కోట్లతో పలు అభివృద్ధి పనులను చేపట్టాయి. నియోజకవర్గ పరిధిలోని వివిధ ప్రాంతాల్లో బాక్స్‌ తరహా డ్రైన్‌ పొడిగింపు, మురుగునీటి మార్గాన్ని పునరుద్దరించడం, నాలా విస్తరణ పనులు చేపట్టనున్నారు.

కార్వాన్ పరిధిలోని పలు ప్రాంతాల్లో ప్రతి వర్షాకాలంలో వరద నీరు నిల్వ నుంచి ఉపశమనం పొందేందుకు రాష్ట్ర ప్రభుత్వం గురువారం ప్రత్యేక బడ్జెట్‌ను మంజూరు చేసింది. దీని కింద జీహెచ్‌ఎంసీ, వాటర్ బోర్డు పౌర పనులను ప్రారంభించాయి. నిజాం కాలనీ, హకీంపేట్ కుంట, నానల్ నగర్, ఎండీ లైన్స్, టోలిచౌకి, ఆదిత్య నగర్ కాలనీ, జానకీ నగర్, సమతా కాలనీ, లంగర్ హౌజ్, షా హతీమ్ సరస్సు పరిసర కాలనీలు ఎక్కువగా వర్షపు నీరు నిలిచే ప్రాంతాలుగా ఉన్నాయి.

కార్వాన్‌ ఎమ్మెల్యే కౌసర్‌ మొహియుద్దీన్‌, జీహెచ్‌ఎంసీ జోనల్‌ కమిషనర్‌ రవికిరణ్‌, జీహెచ్‌ఎంసీ, హెచ్‌ఎండబ్ల్యూఎస్‌ఎస్‌బీ, నీటిపారుదల శాఖ తదితర అధికారులు పలు పనులను పరిశీలించి, పనులు వేగవంతం చేసి గడువులోగా పూర్తి చేయాలని సంబంధిత శాఖ అధికారులు, కాంట్రాక్టర్లను ఆదేశించారు. కార్వాన్ ఎమ్మెల్యే ప్రకారం.. ఎంఐఎమ్‌ చీఫ్‌, హైదరాబాద్ ఎంపీ అసదుద్దీన్ ఒవైసీ ప్రాతినిధ్యంపై, రాష్ట్ర ప్రభుత్వం కార్వాన్ అంతటా మురుగునీటి వ్యవస్థను బలోపేతం చేయడానికి, పునర్నిర్మించడానికి 290 కోట్ల రూపాయల ప్రత్యేక ప్యాకేజీని మంజూరు చేసింది.

టోలీచౌకి ఎక్స్‌ రోడ్ల నుంచి బాల్‌రెడ్డి నగర్‌ వరకు బాక్స్‌ తరహా డ్రెయిన్‌, నిర్వహణ లేకపోవడంతో 40 ఏళ్ల నాటి నాలా ఉక్కిరిబిక్కిరి కావడంతో దాని స్థానంలో 900 ఎంఎం ఎన్‌పీ3 పైప్‌లైన్‌ను ఏర్పాటు చేశారు.

నానల్‌నగర్‌ డివిజన్‌ ​​కార్పొరేటర్‌ మహమ్మద్‌ నసీరుద్దీన్‌ మాట్లాడుతూ.. నిజాం కాలనీ, మేరాజ్‌ కాలనీ నుంచి అల్‌ హస్‌నాథ్‌ కాలనీ వరకు బాక్స్‌ డ్రెయిన్‌ తరహాలో పనులు పూర్తయ్యాయని, వచ్చే వర్షాకాలం నుంచి ఆయా ప్రాంతాల్లో వర్షపు నీరు ఉండదని ఆశిస్తున్నామన్నారు. ''GHMCతో పాటు HMWSSB బాక్స్-టైప్ డ్రెయిన్ల పనులను చేపట్టింది. రేషమ్ బాగ్, రిసాలా బజార్, గోల్కొండ, లంగర్ హౌజ్, ఇతర ప్రాంతాల్లో మురుగునీటి మార్గాలపై పునర్నిర్మాణం చేపట్టింది. ఇది డ్రెయిన్ ఓవర్‌ఫ్లో నివాసితులకు శాశ్వత ఉపశమనం కలిగిస్తుంది'' అని అన్నారు.

షా హతీమ్ సరస్సులో నీటి సామర్థ్యాన్ని తగ్గించేందుకు మూసీ నదిలోకి వర్షపు నీరు సాఫీగా వెళ్లేలా కొత్త అవుట్‌లెట్‌ను నిర్మించారు. టోలిచౌకిలోని నివాస ప్రాంతాలకు వెళ్లే బ్యాక్ వాటర్‌ను తగ్గించేందుకు కొత్త మురికినీటి పైపులైన్ కూడా వేశారు. లంగర్ హౌజ్ హుడా చుట్టూ కొత్త NP2 పైప్‌లైన్ కోసం చర్చలు కూడా జరిగాయి. కార్వాన్‌లోని వివిధ ప్రాంతాల్లో 20 కోట్ల రూపాయలతో బిటుమెన్ (బిటి), సిమెంట్ కాంక్రీట్ (సిసి) రోడ్లు వేయాలని ఎమ్మెల్యే కౌసర్ గతంలో జిహెచ్‌ఎంసి కమిషనర్ లోకేష్ కుమార్‌కు వినతిపత్రం ఇచ్చారు.

Next Story
Share it