Hyderabad: అనుమానాస్పదంగా తుపాకీ పేలి కానిస్టేబుల్ మృతి

హైదరాబాద్‌లోని పాతబస్తీలో ఆదివారం అనుమానాస్పదంగా తుపాకీ పేలి ఓ పోలీసు కానిస్టేబుల్ మృతి చెందాడు. హుస్సేనీ ఆలం పోలీస్‌స్టేషన్‌ పరిధిలోని కబూతర్‌ ఖానా సమీపంలో బాలేశ్వర్‌(52) డ్యూటీలో ఉండగా శవమై కనిపించాడు. కానిస్టేబుల్ తుపాకీ నుంచి రెండు రౌండ్లు కాల్పులు జరిగాయి. మిస్‌ఫైర్‌ జరిగిందా లేక ఆత్మహత్యకు పాల్పడిందా అనే కోణంలో పోలీసులు దర్యాప్తు చేపట్టారు. పోలీసులు మృతదేహాన్ని శవపరీక్ష నిమిత్తం ఉస్మానియా ఆస్పత్రికి తరలించారు. 1995 బ్యాచ్‌కి చెందిన ఈ పోలీసు ఉద్యోగి తెలంగాణలోని నాగర్‌కర్నూల్ జిల్లా అచ్చంపేటకు చెందినవాడు. కేసు నమోదు చేసి దర్యాప్తు చేస్తున్నారు.