కేబీఆర్ పార్క్ ఫుట్‌పాత్‌పై జాతీయ పక్షి వాకింగ్! (video)

హైదరాబాద్ నడిబొడ్డున ప్రకృతి ఒడిని తలపించే కేబీఆర్ నేషనల్ పార్క్ (KBR Park) నుంచి ఒక నెమలి జనారణ్యంలోకి వచ్చి అందరినీ ఆశ్చర్యపరిచింది. బంజారాహిల్స్ రోడ్ నెంబర్ 12లోని కమాండ్ కంట్రోల్ సెంటర్ సమీపంలో ఈ జాతీయ పక్షి ఎంతో క్రమశిక్షణతో ఫుట్‌పాత్ మీద నడుస్తూ కనిపించింది. సాధారణంగా మనుషులను చూడగానే దూరంగా వెళ్లే నెమలి, ఇక్కడ మాత్రం వాహనాల రద్దీని, జనాన్ని చూసి ఏమాత్రం బెదరకపోవడం విశేషం. దర్జాగా నడుచుకుంటూ వెళ్తున్న ఈ పక్షిని చూసి వాహనదారులు, స్థానికులు ఆసక్తిగా గమనించారు. నగర జీవనంలో కాంక్రీట్ అడవుల మధ్య ఇలాంటి అరుదైన దృశ్యాలు కనిపించడం ప్రకృతి ప్రేమికులను కట్టిపడేసింది. ఈ నెమలి నడకకు సంబంధించిన దృశ్యాలు ప్రస్తుతం సామాజిక మాధ్యమాల్లో వైరల్ అవుతున్నాయి.