డెలివరీ సమయంలో లాఫింగ్ గ్యాస్

Muskauraiye King Koti Hospital's laughing gas for a painless child birth.కొన్ని వారాల క్రితం రమ్య (పేరు మార్చాం) ప్రసవ

By న్యూస్‌మీటర్ తెలుగు  Published on  24 Jun 2022 5:44 AM GMT
డెలివరీ సమయంలో లాఫింగ్ గ్యాస్

కొన్ని వారాల క్రితం రమ్య (పేరు మార్చాం) ప్రసవ వేదనకు గురైనప్పుడు, ఆమె తీవ్రమైన నొప్పితో బాధపడుతోంది.

"ప్రసవ వేద‌న చాలా బాధాకరమైన విషయం అని వారు చెప్పేదంతా నిజమే. నా మొదటి కాన్పు సమయంలో నేను నొప్పిని భరించగలనో లేదో నాకు ఖచ్చితంగా తెలియదు. నాకు సి-సెక్షన్ అక్కర్లేదు, కానీ నేను ఎపిడ్యూరల్ కూడా తట్టుకోలేకపోయాను" ఆమె చెప్పింది.

రమ్య అదృష్టవశాత్తూ కింగ్ కోటి జిల్లా ఆసుపత్రిలో నొప్పి లేని డెలివరీ చేయించుకుంది. ప్రసవ సమయంలో నైట్రస్ ఆక్సైడ్ (లాఫింగ్ గ్యాస్), ఆక్సిజన్ మిశ్రమాన్ని తీసుకోవడం వలన ఆమెకు నొప్పి నుంచి ఉపశమనం లభించడమే కాకుండా.. ప్రసవ వేదన భరించగలిగేలా చేసింది. "నాకు ఎన్ని కాంట్రక్షన్స్ ఉన్నాయో నాకు గుర్తు లేదు, కానీ అది నాకు చాలా సహాయపడింది. నేను సాధారణ డెలివరీ చేయగలిగాను" ఆమె చెప్పింది.

కింగ్ కోటి జిల్లా ఆసుపత్రిలో నొప్పిలేకుండా డెలివరీ ఆప్షన్‌గా లాఫింగ్ గ్యాస్‌ను అందించిన రాష్ట్రంలో మొట్టమొదటి ప్రభుత్వ ఆసుపత్రిగా నిలిచింది. రాష్ట్రవ్యాప్తంగా పలు ప్రైవేటు ఆసుపత్రుల్లో ఈ పద్ధతిని విస్తృతంగా ఉపయోగిస్తున్నప్పటికీ, జిల్లా ఆస్పత్రిలో మాత్రం దీనికి ఎలాంటి డబ్బులు తీసుకోరు. "లాఫింగ్ గ్యాస్, ఆక్సిజన్ మిశ్రమం ఎంపికను మే 2022లో ప్రవేశపెట్టారు. ఇప్పటివరకు దాదాపు 20-25 మంది దీనిని ఎంచుకున్నారు. అన్ని సందర్భాల్లో, మహిళలు సి-సెక్షన్ లేదా ఎపిడ్యూరల్ లేకుండా విజయవంతంగా ప్రసవించగలిగారు" అని కింగ్ కోటి హాస్పిటల్ సూపరింటెండెంట్ డా. రాజేంద్ర చెప్పారు. .

లాఫింగ్ గ్యాస్‌ను పీల్చడం సురక్షితమని, దాని వల్ల బిడ్డకు, తల్లికి ఎలాంటి దుష్ప్రభావాలు ఉండవని డాక్టర్ రాజేంద్ర పేర్కొన్నారు. "మేము ఎక్కువగా దీనిని మొదటిసారిగా ప్రసవించే తల్లుల కోసం ఉపయోగించాలనుకుంటున్నాము," అని ఆయన చెప్పారు. ఆక్సిజన్ మాస్క్ ద్వారా వాయువును పీల్చుకున్న తర్వాత నొప్పుల సమయంలో తల్లి ఉపశమనం పొందుతుంది. వైద్యుల ప్రకారం, లాఫింగ్ గ్యాస్- ఆక్సిజన్ మిశ్రమం చౌకైనది. ఉపయోగించడానికి సులభమైన ఎంపిక. చాలా ప్రైవేట్ ఆసుపత్రులు దీనికి అదనపు మొత్తాన్ని వసూలు చేస్తున్నాయి. కొన్ని ఆసుపత్రుల్లో 1000-2000 రూపాయల వరకూ ఛార్జ్ చేస్తున్నారు.

"ఒక పేషెంట్ లాఫింగ్ గ్యాస్‌తో ఊపిరి పీల్చుకుంటున్నందున, ఆమె డెలివరీ మధ్యలో నవ్వడం లేదా స్పృహతప్పి పడిపోతుందని కాదు. ఇది ఎంటానాక్స్ (నైట్రస్ ఆక్సైడ్), ఆక్సిజన్ మిశ్రమం కాబట్టి నొప్పిని తగ్గించడంలో మాత్రమే సహాయపడుతుంది. ," అని ఒక ప్రైవేట్ ఆసుపత్రిలో ప్రసూతి వైద్యుడు డాక్టర్ లక్ష్మీ కిరణ్ అన్నారు. "ఎంటొనాక్స్ 100% నొప్పి నుండి ఉపశమనాన్ని అందించదు. కానీ నొప్పిని 50-60% తగ్గించి, భరించగలిగేలా చేస్తుంది" అని వివరించారు. నొప్పి నివారణ కాలం స్వల్పకాలికంగా ఉన్నప్పటికీ, అది ప్రభావవంతంగా ఉంటుందని ఆమె తెలిపారు. ప్రసవ సమయంలో లాఫింగ్ గ్యాస్‌ను ఉపయోగించడం వల్ల కలిగే ప్రధాన ప్రయోజనం ఏమిటంటే, దీనిని ఎక్కడైనా ఉపయోగించవచ్చు.. పట్టణ మరియు గ్రామీణ భారతదేశంలోని ఏదైనా వైద్య సంస్థలో రోగుల కోసం ఉపయోగించుకోవచ్చని డాక్టర్ లక్ష్మి చెప్పారు.

Next Story
Share it