అపార్ట్మెంట్ వద్ద పసికందు.. రక్షించిన ఎస్‌ఐ
Kushaiguda SI Rescues abandoned infant in Hyderabad. హైదరాబాద్: కుషాయిగూడలోని ఓ అపార్ట్‌మెంట్‌లో ఆదివారం తల్లిదండ్రులు
By అంజి
హైదరాబాద్: కుషాయిగూడలోని ఓ అపార్ట్‌మెంట్‌లో ఆదివారం తల్లిదండ్రులు వదిలేసి వెళ్లిన పసికందును పోలీస్ సబ్ ఇన్స్పెక్టర్ రక్షించారు. ఈ ఘటన కుషాయిగూడలోని కమలాంగార్ కాలనీలోని ఓ అపార్ట్మెంట్ భవనంలో చోటుచేసుకుంది. నివాసితులు అపార్ట్మెంట్ కాంపౌండ్‌లో పసిబిడ్డను గమనించారు. శిశువు తల్లిదండ్రుల కోసం వెతికారు. చివరకు వారు శిశువును విడిచిపెట్టినట్లు అపార్ట్మెంట్ వాసులు గ్రహించారు. వెంటనే పోలీసులకు సమాచారం అందించారు.
అపార్ట్మెంట్ ప్రజలు కుషాయిగూడ పోలీసులకు సమాచారం అందించగా సబ్ ఇన్స్పెక్టర్ ఎం సాయి కుమార్ అపార్ట్‌మెంట్‌కు చేరుకున్నారు. సంఘటనా స్థలానికి చేరుకున్న 108 అంబులెన్స్‌కు సమాచారం అందించి స్థానిక ప్రైవేట్ ఆసుపత్రిలో ప్రాథమిక పరీక్షల అనంతరం నీలోఫర్ ఆసుపత్రికి తరలించారు .
''స్థానిక ప్రజల నుండి సమాచారం అందుకున్న నేను సంఘటనా స్థలానికి చేరుకుని, గుడ్డలో చుట్టి ఉన్న శిశువును గమనించాను. కొన్ని సమస్యల కారణంగా తల్లిదండ్రులు శిశువును అక్కడికక్కడే వదిలి వెళ్లిపోయి ఉండవచ్చు. శిశువు చికిత్స కోసం నీలోఫర్ ఆసుపత్రికి తరలించాం. శిశువును విడిచిపెట్టిన వ్యక్తులను గుర్తించడానికి, ట్రాక్ చేయడానికి ప్రయత్నాలు కొనసాగుతున్నాయి'' అని కుషాయిగూడ సబ్ ఇన్స్పెక్టర్ ఎం. సాయి కుమార్ తెలిపారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.
