దేశంలోనే అతిపెద్ద మ్యూజికల్ ఫ్లోటింగ్ ఫౌంటెయిన్ మ‌న హైద‌రాబాద్‌లో
India’s largest musical floating fountain launched in Hyderabad. దేశంలోనే అతి పెద్ద మ్యూజికల్ ఫ్లోటింగ్ ఫౌంటెన్‌ను
By తోట వంశీ కుమార్‌
హైదరాబాద్ న‌గ‌రాన్ని విశ్వ‌న‌గ‌రంగా తీర్చిదిద్దేందుకు ప్ర‌భుత్వం అన్ని ర‌కాల ప్ర‌య‌త్నాలు చేస్తుంది. అలాగే న‌గ‌ర వాసుల‌తో పాటు ప‌ర్యాట‌కుల‌ను ఆక‌ట్టుకునేందుకు వివిధ ఏర్పాట్లు చేస్తోంది. అందులో భాగంగా దేశంలోనే అతి పెద్ద మ్యూజికల్ ఫ్లోటింగ్ ఫౌంటెన్‌ను హుస్సేస్‌సాగ‌ర్‌లో ఏర్పాటు చేశారు. ఇందుకోసం రూ.17.02 కోట్లు ఖ‌ర్చు చేశారు. ఈ మ్యూజికల్ ఫ్లోటింగ్ ఫౌంటెన్ పొడ‌వు 180 మీట‌ర్లు, వెడ‌ల్పు 10 మీట‌ర్లు కాగా.. 90 మీటర్ల ఎత్తు ఉంటుంది. దీనిని గురువారం ప్రారంభించారు. హైదరాబాద్ మెట్రోపాలిటన్ డెవలప్‌మెంట్ అథారిటీ మూడు సంవ‌త్స‌రాల పాటు దీని నిర్వ‌హ‌ణ బాధ్య‌త‌లు చూసుకోనుంది.
మ్యూజికల్ ఫ్లోటింగ్ ఫౌంటెన్ ప్ర‌త్యేక‌త‌లు
- వివిధ థీమ్‌లను ప్రదర్శించడానికి మూడు సెట్ల లేజర్‌లు
- మ్యూజిక్‌తో పాటు క్లౌడ్ ఎఫెక్ట్‌ను సృష్టించేందుకు మిస్ట్ ఫెయిరీ ఫాగ్, దాదాపు 800 జెట్ హై-పవర్ నాజిల్‌లు,
- డైనమిక్ ఎఫెక్ట్‌ని సృష్టించడానికి నీటి అడుగున 880 LED లైట్లు ఉన్నాయి.
- ఫౌంటెన్ యొక్క అన్ని నాజిల్‌లు, జెట్‌లు DMX కంట్రోలర్ ద్వారా ప్రోగ్రామ్ చేయబడతాయి. సంగీతంతో అనుసంధానించ‌బ‌డ‌తాయి.
- ఛేజింగ్ నాజిల్‌ల స్ప్రే ఎత్తు 12 మీ నుండి 45 మీ వరకు ఉంటుంది. అయితే సెంట్రల్ జెట్ 90 మీటర్ల స్ప్రే ఎత్తుతో ఎత్తైన జెట్.
ప్ర‌తి రోజు మూడు షోలు నిర్వ‌హించ‌నున్నారు. ఒక్కొ షో 20 నిమిషాల పాటు ఉంటుంది. వారాంతాల్లో రాత్రి 7 నుంచి 10 గంట‌ల మ‌ధ్య నాలుగు షోల‌ను నిర్వ‌హించ‌నున్నారు.
