హైద‌రాబాద్ వాసుల‌కు అల‌ర్ట్‌.. న‌గ‌రంలో రేపు ట్రాఫిక్ ఆంక్ష‌లు

ప్రముఖ సంగీత స్వరకర్త ఇళయరాజా రేపు(ఫిబ్రవరి 26 ఆదివారం) హైదరాబాద్‌లోని గచ్చిబౌలి స్టేడియంలో ప్రదర్శన ఇవ్వనున్నారు. ఇళ‌య‌రాజా లైవ్ క‌న్స‌ర్ట్‌కు దాదాపు 17 వేల మందికి పైగా హాజ‌రు అయ్యే అవ‌కాశం ఉంది. ఈ నేప‌థ్యంలో మ‌ధ్యాహ్నాం 2 గంట‌ల నుంచి రాత్రి 11 గంట‌ల వ‌ర‌కు ట్రాఫిక్ మ‌ళ్లింపులు ఉంటాయ‌ని గ‌చ్చిబౌలి ట్రాఫిక్ పోలీసులు తెలిపారు.

మ‌ళ్లింపులు ఇలా..

- లింగంపల్లి నుంచి గచ్చిబౌలి సర్కిల్ వ‌చ్చే వాహ‌నాలు హెచ్‌సీయూ డిపో వ‌ద్ద ఎస్‌ఎంఆర్ వినయ్ సిటీ, మ‌జిద్‌బండ, బొటానిక‌ల్ గార్డెన్, గ‌చ్చిబౌలి వైపు వెళ్లాల్సి ఉంటుంది.

- గ‌చ్చిబౌలి స‌ర్కిల్ నుంచి లింగంప‌ల్లికి వెళ్లే ట్రాఫిక్‌ను గచ్చిబౌలి సర్కిల్, బొటానికల్ గార్డెన్,హెరిటేజ్,మజిద్‌బండ విలేజ్,SMR వినయ్, HCU డిపో వైపు వెళ్లాల్సి ఉంటుంది.

- రాయదుర్గం నుంచి లింగంపల్లికి వచ్చే ట్రాఫిక్ తప్పనిసరిగా ఐఐఐటీ వద్ద మళ్లించి, గోపీచంద్ అకాడమీ మీదుగా విప్రో సర్కిల్‌కు వెళ్లాలి. క్యూ సిటీ, గౌలిదొడ్డి, గోపన్‌పల్లి తండా, నల్లగండ్ల ఫ్లైఓవర్ నుంచి లింగంపల్లి వెళ్లాల‌న్నారు.

కింది మార్గాల్లో భారీ వాహనాలపై ఆంక్షలు:

సైబరాబాద్ పరిధిలోని గచ్చిబౌలి సర్కిల్ నుంచి లింగంపల్లి వైపు, లింగంపల్లి నుంచి గచ్చిబౌలి సర్కిల్ వైపు భారీ వాహనాలు అంటే ట్రక్కులు, లారీలు, డీసీఎంలు, ఆర్‌ఎంసీలు, వాటర్ ట్యాంకర్లను అనుమతించరు.