హైదరాబాద్ లో యూట్యూబర్ల పై కేసు నమోదు

డిసెంబర్ 28, శనివారం నాడు ఇద్దరు యూట్యూబర్‌లపై హైదరాబాద్ పోలీసులు కేసు నమోదు చేశారు. క్రైస్తవులు, పోలీసులపై అవమానకరమైన వ్యాఖ్యలు చేశారనే ఆరోపణలు ఉన్నాయి. నిందితులను యూట్యూబర్‌లు కరుణాకర్ సుగ్గున, ప్రవీణ్ కుమార్‌ లుగా గుర్తించారు. భారతీయ న్యాయ సనాహిత (BNS) సెక్షన్ 352 కింద శాంతికి భంగం కలిగించే ఉద్దేశంతో ఉద్దేశపూర్వకంగా వ్యాఖ్యలు చేసినందుకు కేసు నమోదు చేశారు.

విచారణలో భాగంగా అమీర్‌పేటలోని యూట్యూబ్ కార్యాలయాన్ని సందర్శించిన పోలీసు బృందం సీసీటీవీ ఫుటేజీలను పరిశీలించింది. పంజాగుట్ట పోలీసులు తెలిపిన వివరాల ప్రకారం ఫుటేజీని పరిశీలించగా కరుణాకర్ తన యూట్యూబ్ ఛానెల్‌లో క్రైస్తవ సమాజాన్ని రెచ్చగొట్టేలా ఇలాంటి అవమానకరమైన వ్యాఖ్యలు చేస్తూ మరో వీడియోను అప్‌లోడ్ చేసినట్లు తేలింది. సామాజిక మాధ్యమాల్లో ఎవరైనా కమ్యూనిటీల మనోభావాలను కించపరిచేలా, అవమానించేలా వీడియోలు అప్‌లోడ్ చేస్తే కఠిన చర్యలు తీసుకుంటామని పోలీసులు హెచ్చరించారు.