Hyderabad: ఇన్‌స్టా రీల్స్ చేస్తూ.. క్వారీలో పడి ఇంటర్‌ విద్యార్థి మృతి
హైదరాబాద్ నగరంలో విషాదం చోటు చేసుకుంది. శంషాబాద్‌లోని మానస హిల్స్‌లో ఉన్న క్వారీలో ఆదివారం ఇంటర్మీడియట్ విద్యార్థి మునిగి మృతి చెందాడు.
By అంజి
Hyderabad: ఇన్‌స్టా రీల్స్ చేస్తూ.. క్వారీలో పడి ఇంటర్‌ విద్యార్థి మృతి
హైదరాబాద్ నగరంలో విషాదం చోటు చేసుకుంది. శంషాబాద్‌లోని మానస హిల్స్‌లో ఉన్న క్వారీలో ఆదివారం ఇంటర్మీడియట్ విద్యార్థి మునిగి మృతి చెందాడు. పదిహేడేళ్ల మీర్జా షోయిబ్ బేగ్ బోరబండ నివాసి. ఆదివారం నాడు అతను, అతని స్నేహితులు ఇన్‌స్టాగ్రామ్ రీల్స్ చేయడానికి శంషాబాద్‌లోని మానస హిల్స్‌లో క్వారీల దగ్గరికి వెళ్లారు. “ఫోటో షూట్ సమయంలో, షోయిబ్ జారిపడి నీటిలో పడిపోయాడు” అని ఆర్జీఐ విమానాశ్రయ పోలీసు స్టేషన్ స్టేషన్ హౌస్ ఆఫీసర్ (SHO) కె బాలరాజు తెలిపారు.
సమాచారం మేరకు ఆర్జీఐ విమానాశ్రయ పోలీసులు, అగ్నిమాపక శాఖ, డీఆర్‌ఎఫ్‌ బృందాలు సంఘటనా స్థలానికి చేరుకుని షోయిబ్‌ను రక్షించడానికి ప్రయత్నించాయి. "అతని మృతదేహాన్ని వెలికితీసి పోస్ట్‌మార్టం కోసం పంపారు" అని ఎస్‌హెచ్‌వో తెలిపారు. షోయిబ్ తల్లిదండ్రులకు తమ కొడుకు ఇన్‌స్టాగ్రామ్ రీల్స్ చేయడానికి మానస హిల్స్‌కు వెళ్లాడని తెలియదు. "అతను ఆడుకోవడానికి వెళ్తున్నానని మాకు చెప్పాడు" అని వారు అన్నారు. తమ టీనేజ్ కొడుకును చూడటం అదే చివరిసారి అవుతుందని వారికి తెలియదు. కేసు నమోదు చేయబడింది. పోలీసులు దర్యాప్తు చేస్తున్నారు.
