Hyderabad: జన్వాడ ఫామ్‌హౌస్‌లో రేవ్‌ పార్టీ.. పోలీసుల దాడులు

హైదరాబాద్‌: జన్వాడలోని ఫామ్‌హౌస్‌పై దాడి చేసిన నార్సింగి పోలీసులు రాజ్‌పాకాలపై కేసు నమోదు చేశారు. రేవ్ పార్టీ గురించి వచ్చిన సమాచారం మేరకు నార్సింగి పోలీసులు, ఎస్‌ఓటీ, ఎక్సైజ్ శాఖ అధికారులతో కలిసి అక్టోబర్ 26, 27 మధ్య రాత్రి జన్వాడలోని ఓ ఫాంహౌస్‌పై దాడులు నిర్వహించారు. పోలీసులు విడుదల చేసిన ఒక ప్రకటనలో.. పార్టీలో 21 మంది పురుషులు, 14 మంది మహిళలు పాల్గొన్నారు. పబ్లిక్ ఎక్సైజ్ డిపార్ట్‌మెంట్ నుండి ఎటువంటి అనుమతి లేకుండా మద్యం సేవించారు. ఏడు అనధికార విదేశీ మద్యం సీసాలు - 10.5 లీటర్లు. అంతే కాకుండా 10 లూజు ఇండియన్ లిక్కర్ బాటిళ్లు కూడా దొరికాయి.

అనుమానంతో పార్టీలో పాల్గొన్న పురుషులను డ్రగ్ కిట్‌లతో తనిఖీ చేశారు. వీరిలో విజయ్‌ మద్దూరి అనే వ్యక్తికి కొకైన్‌ పాజిటివ్‌గా తేలింది. స్నిఫర్ డాగ్‌తో ఆవరణ మొత్తాన్ని తనిఖీ చేశారు. వెరిఫికేషన్‌లో ఫామ్‌హౌస్ యజమాని రాజ్ పాకాల అని తేలింది. విజయ్ మద్దూరిని రక్త పరీక్ష కోసం ఆసుపత్రికి పంపారు. మోకిలా పోలీస్ స్టేషన్‌లో NDPS చట్టం U/s 27 కేసు నమోదు చేయబడింది. పార్టీని రాజ్ పాకాల నిర్వహించారు. మద్యం సేవించినందుకు ఎక్సైజ్ లైసెన్స్ పొందలేదు. అందువల్ల, అతనిపై రాష్ట్ర ఎక్సైజ్ టాస్క్ ఫోర్స్ ద్వారా ఎక్సైజ్ చట్టంలోని u/s 34 A, 34 (1) r/w 9 కేసు నమోదు చేసినట్లు పోలీసులు తెలిపారు.