బేగంపేట విమానాశ్రయంలో టెన్షన్ పెట్టిన విమానం

ల్యాండ్ చేయడానికి ప్రయత్నిస్తూ ఉండగా.. హైడ్రాలిక్ చక్రాల ఓపెనింగ్ మెకానిజంలో లోపం ఉన్నట్లు విమానం పైలట్ గమనించాడు. అప్రమత్తమైన పైలట్ వెంటనే మిగిలిన సిబ్బందిని అప్రమత్తం చేశాడు. పైలట్ 40 నిమిషాల పాటు విమానంలో సాంకేతిక సమస్యను సరిదిద్దడానికి ప్రయత్నించాడు. కొద్దిసేపటికి సాంకేతిక సమస్య పరిష్కరించారు. దీంతో విమానం సురక్షితంగా ల్యాండింగ్ చేశారు. బేగంపేట విమానాశ్రయానికి అత్యవసర పరిస్థితి గురించి ముందుగానే తెలియజేశారు. హార్డ్ ల్యాండింగ్‌ విషయంలో అందరినీ సిద్ధం చేశారు. IAF శిక్షణా విమానం హైడ్రాలిక్ లోపం వల్ల గాలిలోనే ఉండాల్సి వచ్చిందని.. ఇంధనం అయిపోయిన తర్వాతే ల్యాండింగ్‌కు ప్రయత్నిస్తామని సంబంధిత వర్గాలు ముందే తెలిపాయి. కానీ టెక్నీకల్ సమస్యలు పరిష్కరించడంతో ల్యాండ్ చేయాల్సి వచ్చింది. IAF విమానం సురక్షితంగా ల్యాండ్ అయ్యే వరకు ఇతర విమానాల సిబ్బందిని కూడా అప్రమత్తం చేశారు.