Hyderabad: బేగంపేట ఎయిర్‌పోర్ట్‌కు బాంబ్‌ బెదిరింపు

హైదారాబాద్‌ నగరంలోని బేగంపేట ఎయిర్‌పోర్టులో బాంబు ఉందంటూ ఓ ఆగంతకుడు మెయిల్‌ చేశాడు. దీంతో అప్రమత్తమైన అధికారులు బాంబ్‌ స్క్వాడ్‌తో విస్తృతంగా తనిఖీలు నిర్వహించారు. జూన్ 24వ తేదీ సోమవారం బాంబు పేలుడు జరుగుతుందని అజ్ఞాత ఈ-మెయిల్ హెచ్చరికతో హైదరాబాద్‌లోని బేగంపేట విమానాశ్రయం అప్రమత్తమైంది. బాంబు పేలుడు గురించి హెచ్చరిస్తూ గుర్తుతెలియని వ్యక్తులు ఈమెయిల్ పంపడంతో హైదరాబాద్ పోలీసులు, సీఐఎస్ఎఫ్ సిబ్బంది బేగంపేట విమానాశ్రయంలో సోదాలు నిర్వహించారు. హైదరాబాద్‌లోని బేగంపేట్‌లోని విమానాశ్రయ అధికారులకు ఈ ఇమెయిల్ అందింది.

వారు విమానాశ్రయ భద్రతకు సంబంధించిన సెంట్రల్ ఫోర్స్, పోలీసులను సిఐఎస్‌ఎఫ్‌ను అప్రమత్తం చేశారు. హైదరాబాద్ పోలీసు బాంబు డిటెక్షన్ స్క్వాడ్ స్థానిక పోలీసులతో కలిసి విమానాశ్రయంలో క్షుణ్ణంగా సోదాలు నిర్వహించి మెయిల్ బూటకమని ప్రకటించింది. ఫిబ్రవరిలో, శంషాబాద్‌లోని రాజీవ్ గాంధీ అంతర్జాతీయ విమానాశ్రయం (RGIA) RDX దాడి గురించి హెచ్చరిస్తూ వరుస అనామక ఇ-మెయిల్‌ల నేపథ్యంలో హై అలర్ట్‌లో ఉంచబడింది. ఇటీవల దేశంలోని పలు ఎయిర్‌పోర్టులు, విమానాలు, స్కూళ్లు, ఇతర ప్రభుత్వ కార్యాలయాలకు బాంబు బెదిరింపులు వచ్చిన విషయం తెలిసిందే.