Hyderabad: నగరవాసులకు GHMC హెచ్చరిక..రోడ్లపై చెత్త, మూత్ర విసర్జన చేస్తే జరిమానా

హైదరాబాద్‌లో GHMC ప్రత్యేక శుభ్రతా కార్యక్రమాన్ని ప్రారంభించింది. ప్రజా పరిశుభ్రతను మెరుగుపరిచే బలమైన చర్యలో భాగంగా, రోడ్లపై చెత్త వేయడం మరియు బహిరంగ ప్రదేశాల్లో మూత్ర విసర్జన చేయడంపై అక్కడికక్కడే జరిమానాలు విధించనున్నట్లు గ్రేటర్ హైదరాబాద్ మున్సిపల్ కార్పొరేషన్ (GHMC) ప్రకటించింది . మంగళవారం నుండి హైదరాబాద్ అంతటా ప్రారంభించబడిన ప్రత్యేక శుభ్రతా డ్రైవ్‌లో భాగంగా ఈ చర్య తీసుకుంది.

ప్రజా ప్రదేశాలలో అపరిశుభ్రతపై పెరుగుతున్న ఆందోళనల నేపథ్యంలో చెత్త తొలగింపు, పారిశుద్ధ్య నియమాలను కఠినంగా అమలు చేయాలని GHMC కమిషనర్ RV కర్ణన్ అధికారులను ఆదేశించారు. ఈ డ్రైవ్ విజయవంతం కావడానికి ప్రజల సహకారం కీలకమని GHMC అధికారులు చెప్పారు. గత నెలలో బల్దియాలో ఇలాంటి భారీ ఎత్తున శుభ్రతా డ్రైవ్ నిర్వహించగా ఇది సానుకూల ఫలితాలను ఇచ్చింది. స్పాట్ ఫైన్లతో కూడిన హైదరాబాద్ క్లీన్లీనెస్ డ్రైవ్ నగరం అంతటా నివాసితుల పరిశుభ్రమైన రోడ్లు, ఆరోగ్యకరమైన పరిసరాలు, మెరుగైన జీవన ప్రమాణాలను నిర్ధారించడం లక్ష్యంగా పెట్టుకుంది.