గో మహా గర్జనలో అపశృతి.. ఎన్టీఆర్ స్టేడియంలో అగ్నిప్ర‌మాదం

యుగ తుల‌సి ఫౌండేష‌న్ ఆధ్వ‌ర్యంలో హైద‌రాబాద్ న‌గ‌రంలోని ఎన్టీఆర్ స్టేడియంలో నిర్వ‌హిస్తున్న‌ గో మహాగర్జన సభలో అపశ్రుతి చోటుచేసుకుంది. గో మహాగర్జన సభ వేదికపై అగ్నిప్రమాదం సంభవించింది. సభా వేదికపై గడ్డితో అలంకరించిన గుడారాలు దగ్ధమయ్యాయి. షార్ట్ స‌ర్క్యూట్ తో ఈ ప్ర‌మాదం జ‌రిగిన‌ట్లు పోలీసులు చెబుతున్నారు.

ఈ ప్ర‌మాదంలో మూడు గుడారాలు కాలిపోయాయి. వేదిక వ‌ద్ద‌కు పోలీసులు, యుగ‌తుల‌సి స‌భ్యులు, వాలంటీర్లు చేరుకుని స‌కాలంలో మంట‌ల‌ను అదుపులోకి తీసుకువ‌చ్చారు. అంద‌రూ అప్ర‌మ‌త్తంగా ఉండ‌డంతో పెను ప్ర‌మాదం త‌ప్పింది. కాసేప‌ట్లో స‌భ ప్రారంభం కానుండ‌గా.. ఈ అగ్నిప్రమాదం జ‌ర‌గ‌డంతో నిర్వ‌హ‌కులు ఆవేద‌న వ్య‌క్తం చేశారు.