జీడిమెట్లలో భారీ అగ్నిప్రమాదం.. ముగ్గురికి గాయాలు

Fire Accident in Jeedimetla, Three were injured. హైదరాబాద్‌ నగర పరిధిలోని జీడిమెట్లలోని శ్రీధర బయోటెక్‌ ప్రైవేట్‌ లిమిటెడ్‌లో సోమవారం భారీ అగ్నిప్రమాదం

By అంజి  Published on  22 Aug 2022 7:31 AM GMT
జీడిమెట్లలో భారీ అగ్నిప్రమాదం.. ముగ్గురికి గాయాలు

హైదరాబాద్‌ నగర పరిధిలోని జీడిమెట్లలోని శ్రీధర బయోటెక్‌ ప్రైవేట్‌ లిమిటెడ్‌లో సోమవారం భారీ అగ్నిప్రమాదం జరిగింది. రెండు కెమికల్‌ రియాక్టర్లలో పేలుడు సంభవించింది. ఈ ఘటనలో ముగ్గురు కార్మికులు గాయపడ్డారు. క్షతగాత్రులను సమీపంలోని ప్రైవేట్‌ ఆస్పత్రికి తరలించారు. కార్మికులు ఉదయం షిఫ్టులో పనిచేస్తున్నప్పుడు రియాక్టర్లు పేలాయి. ప్రమాదం జరిగినప్పుడు కొంతమంది కార్మికులు కంపెనీ లోపల చిక్కుకున్నారు. ఎలాంటి ప్రాణ నష్టం జరగలేదు. ఆస్తి నష్టం, ప్రమాదానికి గల ఖచ్చితమైన కారణాలపై అగ్నిమాపక అధికారులు దర్యాప్తు చేస్తున్నారు.

రెండు అగ్నిమాపక కేంద్రాల నుంచి ఫైరింజన్లు ఘటనాస్థలికి చేరుకుని మంటలను ఆర్పుతున్నాయి. ఫార్మా యూనిట్‌లో రియాక్టర్ పేలుడు సంభవించడానికి భద్రతా లోపాల వల్ల కావచ్చు. ప్రమాదం జరిగిన సమయంలో ఫార్మా కంపెనీలో 10 నుంచి 12 మంది కార్మికులు ఉన్నారు. అయితే.. కొంతమంది కార్మికులు మంటలను తప్పించుకోగలిగారు, అయితే ముగ్గురు తీవ్రంగా గాయపడ్డారు. భారీ అగ్నిప్రమాదంతో ఆ ప్రాంతమంతా పొగలు కమ్ముకోవడంతో పాటు సమీపంలోని పారిశ్రామికవాడలో భయాందోళన నెలకొంది. రియాక్టర్లు భారీ శబ్ధంతో పేలడంతో స్థానికులు ఉలిక్కిపడ్డారు. భయంతో పరుగులు తీశారు. అగ్నిమాపక సిబ్బంది ఘటనాస్థలికి చేరుకుని పరిస్థితిని పర్యవేక్షిస్తున్నారు.

Next Story
Share it