జీహెచ్‌ఎంసీ యాప్‌లో 'రిక్వెస్ట్ ఆన్ ఫాగింగ్'.. బుక్ చేసుకోవడం ఎలాగంటే?
త్వరలో హైదరాబాద్ పౌరులు తమ ఫోన్‌లను ఉపయోగించి తమ ప్రాంతంలోని దోమలను వదిలించుకోవచ్చు
By అంజి
జీహెచ్‌ఎంసీ యాప్‌లో 'రిక్వెస్ట్ ఆన్ ఫాగింగ్'.. బుక్ చేసుకోవడం ఎలాగంటే?
హైదరాబాద్: త్వరలో హైదరాబాద్ పౌరులు తమ ఫోన్‌లను ఉపయోగించి తమ ప్రాంతంలోని దోమలను వదిలించుకోవచ్చు! గ్రేటర్ హైదరాబాద్ మున్సిపల్ కార్పొరేషన్ (GHMC) మై జీహెచ్‌ఎంసీ యాప్‌లో 'ఫాగింగ్ ఆన్ రిక్వెస్ట్' అనే కొత్త డిజిటల్ ఫీచర్‌ను తీసుకువచ్చింది. ఈ యాప్‌ని ఉపయోగించి, ప్రజలు తమ ప్రాంతంలో జీహెచ్‌ఎంసీ ద్వారా దోమల ఫాగింగ్‌ను షెడ్యూల్ చేయవచ్చు.
దోమల ఫాగింగ్ కోసం అభ్యర్థన ఎలా పని చేస్తుంది?
- దోమల బెడద ఎదుర్కొంటున్న జీహెచ్‌ఎంసీ పౌరుడు ఎవరైనా మై జీహెచ్‌ఎంసీ మొబైల్ యాప్‌లోకి లాగిన్ అయి ఫాగింగ్ కోసం అభ్యర్థించవచ్చు.
- అభ్యర్థనను అసిస్టెంట్ ఎంటమాలజిస్ట్ స్వీకరిస్తారు. ఆ ప్రాంత ఫాగింగ్ కార్మికుడికి అప్పగిస్తారు.
- అభ్యర్థనను పరిశీలించి, ఆ ప్రాంతంలో ఫాగింగ్ చేసిన తర్వాత, జియోలొకేషన్‌తో కూడిన ఫోటోను అప్‌లోడ్ చేయడం ద్వారా అభ్యర్థన పరిష్కరించబడిందని చెబుతారు.
ఆ ఫీచర్ వల్ల కలిగే ప్రయోజనాలు ఏమిటి?
కొన్ని ప్రాంతాలను అధికారులు మిస్ అవుతుండటం, మరికొన్ని ప్రాంతాలను పదే పదే ఫాగింగ్ చేయడం వంటి సాధారణ ఫిర్యాదులను సాంకేతికత ద్వారా పరిష్కరించాలని జీహెచ్‌ఎంసీ భావిస్తోంది.
ఈ సాంకేతికతను ప్రారంభించడం ద్వారా, వనరులను ఉత్తమంగా ఉపయోగించుకోవాలని జీహెచ్‌ఎంసీ ఆశిస్తోంది. ఆ ప్రాంతంలో సిబ్బంది లభ్యత ఆధారంగా స్లాట్ల సంఖ్య అందుబాటులో ఉంటుంది. ఒకే ప్రాంతం నుండి అనవసరమైన అభ్యర్థనలను నివారించడానికి, ఒక ప్రాంతంలో ఫాగింగ్ చేసిన తర్వాత, తదుపరి ఫాగింగ్ వారం తర్వాత మాత్రమే చేయబడుతుంది.
ఏ ప్రాంతాలు ఫాగింగ్ ఫీచర్‌ను యాక్సెస్ చేయగలవు?
ప్రారంభంలో, ఈ ఫీచర్ యొక్క కార్యాచరణను జూబ్లీ హిల్స్ సర్కిల్‌లో పైలట్‌గా పరీక్షించి, త్వరలో మొత్తం జీహెచ్‌ఎంసీకి విస్తరిస్తారు. ఈ అవకాశాన్ని ఉపయోగించుకోవాలని జీహెచ్‌ఎంసీ అదనపు కమిషనర్ పౌరులను అభ్యర్థించారు.
