హైదరాబాద్ లో సైక్లిస్టులకు ప్రమాదం పొంచి ఉందా?

గురువారం తెల్లవారుజామున 5:45 గంటలకు 'మై హోమ్ అవతార్' సమీపంలోని నార్సింగిలోని సైక్లింగ్ ట్రాక్‌లోని ఓ కారు భారీ వేగంతో దూసుకు వచ్చింది. ఇటీవలే ప్రారంభించిన హైదరాబాద్ సైక్లింగ్ ట్రాక్‌లోని ఒక సెక్షన్‌ను ఈ కారు ఢీకొట్టింది. అదృష్టవశాత్తూ, ట్రాక్‌పై ఆ సమయంలో సైక్లిస్టులు ఎవరూ లేకపోవడంతో ఎవరికీ గాయాలు కాలేదు. ట్రాక్, సోలార్ నిర్మాణం దెబ్బతినలేదు. అయితే వేగంగా వెళ్లడం వల్ల ఆ కారు ముందు భాగం భారీగా దెబ్బతింది. సైక్లిస్టులకు ఒక ప్రత్యేక ట్రాక్ ఉన్నప్పటికీ ఈ ఘటన చోటు చేసుకోవడం.. సైక్లిస్ట్ల భద్రత గురించి ఆందోళనలను లేవనెత్తింది. సురక్షితమైన రైడింగ్ అనుభవం కోసం సైక్లిస్టులు తరచుగా ఇలాంటి ట్రాక్‌లపై ఆధారపడతారు.. సాఫీగా వెళ్లిపోవచ్చనే అభిప్రాయం కూడా చాలా మందిలో ఉంది. అనేక నగరాల మాదిరిగానే హైదరాబాద్ లో కూడా పర్యావరణ అనుకూల ప్రయాణాన్ని, వినోదాత్మక సైక్లింగ్‌ను ప్రోత్సహించడానికి సైక్లింగ్ మౌలిక సదుపాయాలపై దృష్టి పెట్టారు అధికారులు. అయితే, ఈ ట్రాక్‌లపై ఇలాంటి ప్రమాదాలు జరగడం కొంత ఆందోళన కలిగిస్తూ ఉంది.

ఇలాంటి ప్రమాదాలకు కారణాలు

గురువారం ఉదయం జరిగిన ప్రమాదం సైక్లిస్టులను మరింత జాగ్రత్తగా ఉండేందుకు ప్రేరేపిస్తుంది. ఒక సైక్లిస్ట్ అయిన రీతు మాట్లాడుతూ “అంకితమైన ట్రాక్ కలిగి ఉండటం చాలా బాగుంది, కానీ ఈ ట్రాక్ మాత్రమే భద్రతను ఇవ్వలేదు. ఇతర రహదారి వినియోగదారులకు కూడా అవగాహన ఉండాలి. ఒక సైక్లిస్ట్ ను ఒక పెద్ద వాహనం ఢీకొన్నప్పుడు సైక్లిస్ట్ ప్రాణాలు ప్రమాదంలో పడతాయి.

ఇతర వాహనాలతో ఉన్న రూట్ లో వెళ్లే సమయంలో సైకిల్ ప్రమాదాలు చాలానే జరుగుతూ ఉండడం. ఇతర వాహనాలు వేగంగా సైకిల్ పక్కన నుండి వెళ్లడం, ఓవర్ టేక్ చేసే సమయంలో ర్యాష్ డ్రైవింగ్, సైకిళ్లను వెనుకవైపు నుండి ఢీకొనడం, సైక్లిస్ట్ మార్గంలోకి వచ్చే వాహనాల తలుపులు తెరవడం లాంటివి జరుగుతూ ఉంటాయి. ఏది ఏమైనప్పటికీ పాదచారులు, ఇతర వస్తువుల కారణంగా సైక్లిస్టులకు తరచూ ప్రమాదాలు చోటు చేసుకుంటూ ఉంటాయి.

సైక్లిస్టులు ఎదుర్కొంటున్న సవాళ్లు:

అంకితమైన ట్రాక్‌లలో కూడా సైక్లిస్టులు అనేక సవాళ్లను ఎదుర్కొంటారు. పేలవంగా ఉండే రోడ్లు, శిధిలాలు, ఊహించని అడ్డంకులు ప్రమాదాలకు కారణమవుతాయి. "హైదరాబాద్ సైక్లింగ్ కమ్యూనిటీ అనూహ్య వాతావరణ పరిస్థితులు, ఇతర రహదారి వినియోగదారులకు తగినంత అవగాహన లేకపోవడం వంటి అదనపు సవాళ్లను ఎదుర్కొంటోంది" అని రీతు చెప్పారు.

డిమాండ్లు, ఆందోళనలు:

ఎన్నో సవాళ్లకు ఎదుర్కొంటూ ఉండగా సైక్లిస్టులకు భద్రతా చర్యలను పెంచాలని డిమాండ్ చేస్తున్నారు. రహదారిని బాధ్యతాయుతంగా పంచుకోవడం గురించి రోడ్డు వినియోగదారులందరికీ అవగాహన కల్పించాలి. సైక్లింగ్ ట్రాక్‌లు క్రమం తప్పకుండా నిర్వహణ, మెరుగైన సంకేతాలు, అవగాహనకు సంబంధించిన ప్రచారాలు ఎక్కువగా ఉండాలి. ప్రతిరోజూ సైకిల్‌పై ప్రయాణించే అమిత్ మౌలిక సదుపాయాలను మెరుగుపరచాల్సిన అవసరాన్ని ఎత్తిచూపారు. “సైక్లింగ్ ట్రాక్ మంచి ప్రారంభం, కానీ దీనికి మెరుగైన నిర్వహణ అవసరం. ముఖ్యంగా హై-స్పీడ్ రైడ్‌ల సమయంలో గుంతలు, చెత్తాచెదారం ప్రమాదకరంగా ఉంటాయి, ”అని ఆయన అన్నారు. హైదరాబాద్ సైక్లింగ్ అసోసియేషన్ సభ్యురాలు సారా పావెల్ రోడ్డు భద్రత విద్యకు సంబంధించిన ప్రాముఖ్యతను నొక్కి చెప్పారు. “సైకిలిస్టులు, డ్రైవర్లు ఇద్దరికీ అవగాహన కార్యక్రమాలు ఉండాలి. రహదారిపై ప్రతి ఒక్కరి భద్రతకు పరస్పర అవగాహన చాలా ముఖ్యం." అని తెలిపారు సారా.