Hyderabad: రన్నింగ్‌ కారులో చెలరేగిన మంటలు.. తప్పిన పెనుప్రమాదం
హైదరాబాద్‌: నందిగిరి హిల్స్‌లో బిఎమ్‌డబ్ల్యూ కారు శనివారం రద్దీగా ఉండే రోడ్డుపై వెళ్తుండగా ఒక్కసారిగా మంటలు చెలరేగాయి.
By అంజి Published on 16 Jun 2024 2:54 AM GMT
హైదరాబాద్‌: నందిగిరి హిల్స్‌లో బిఎమ్‌డబ్ల్యూ కారు శనివారం రద్దీగా ఉండే రోడ్డుపై వెళ్తుండగా ఒక్కసారిగా మంటలు చెలరేగాయి. కారు క్షణాల్లో పూర్తిగా దగ్ధమైంది. ఈ ప్రమాదంతో జూబ్లీహిల్స్ చెక్‌పోస్ట్‌ నుంచి ఫిల్మ్‌నగర్‌ వరకు భారీగా ట్రాఫిక్ జామ్ అయ్యింది. లగ్జరీ కారులో ఉన్నవారు మంటలను గమనించి వాహనం నుంచి సకాలంలో బయటకు రావడంతో ఎలాంటి గాయాలు కాలేదు. బ్యాటరీలో షార్ట్‌ సర్క్యూట్‌ వల్లే ఈ ప్రమాదం చోటు చేసుకుందని తెలుస్తోంది.
జూబ్లీహిల్స్ ప్రాంతంలో ఈ ఘటన జరగడంతో ట్రాఫిక్ జామ్ అయింది. దీంతో వాహనదారులు కాస్తా ఇబ్బందికి గురయ్యారు. అగ్నిప్రమాదానికి గల కారణాలపై అధికారులు విచారణ చేపట్టారు. రోడ్డు పక్కన నిలిపిన బిఎమ్‌డబ్ల్యూ కారులో మంటలు చెలరేగుతున్న వీడియో సోషల్‌ మీడియాలో వైరల్‌గా మారింది. అగ్నిమాపక శాఖ బృందం సంఘటనా స్థలానికి చేరుకుని మంటలను అదుపు చేసింది, అయితే బిఎమ్‌డబ్ల్యూ పూర్తిగా దగ్ధమైంది.
