హీరో సాయి ధరమ్ తేజ్ కు యాక్సిడెంట్ అవ్వగానే ఇద్దరు యువకులు కాపాడారు. ఆ కాపాడిన యువకుడు మహ్మద్ ఫర్హాన్‌ను అందరూ అభినందిస్తున్నారు. ఫర్హాన్‌ను ప్రశంసిస్తూ సోషల్ మీడియాలో కామెంట్స్ వచ్చాయి. అయితే ఫర్హాన్‌కు మెగా ఫ్యామిలీ బహుమతులు ఇచ్చిందంటూ సోషల్ మీడియాలో వార్తలు వస్తున్నాయి. తనకు ఆప్త మిత్రుడైన సాయితేజ్‌ను కాపాడినందుకు ఫర్హాన్‌కు రామ్ చరణ్ ఓ ఖరీదైన కారును బహుమతిగా ఇచ్చినట్లు సోషల్ మీడియాలో వైరల్ అవుతోంది. ఈ వార్తలపై ఫర్హాన్ స్పందించాడు.

సోషల్ మీడియాలో వస్తున్న వార్తలను ఖండించాడు. తనకు ఎవరూ ఎలాంటి బహుమతులు, డబ్బులు ఇవ్వలేదని స్పష్టం చేశాడు. మెగా ఫ్యామిలీ నుంచి తనకు ఎవరూ ఫోన్ కాల్ చేయలేదని మహ్మద్ ఫర్హాన్ చెప్పాడు. సోషల్ మీడియాలో వైరల్ అవుతున్న వార్తలపై రాయదుర్గం పోలీసులకు ఫిర్యాదు చేశానని చెప్పాడు. ఆపదలో ఉన్న వ్యక్తి ప్రాణాలు కాపాడడానికి ప్రయత్నించానే తప్ప, తాను ఏమీ ఆశించలేదని ఫర్హాన్ తెలిపాడు. సోషల్ మీడియాలో వస్తున్న వార్తలతో తన కుటుంబం ఇబ్బందులు పడుతోందని,దయచేసి అలాంటి వార్తలు షేర్ చేయవద్దని కోరాడు.



M. Sabarish

నేను శ‌బ‌రీష్‌, న్యూస్‌మీట‌ర్‌లో కంట్రిబ్యూట‌ర్‌గా వ‌ర్క్ చేస్తున్నాను. గ‌తంలో భార‌త్ టుడే, న్యూసు, పబ్లిక్ టీవీ తెలుగు త‌దిత‌ర వార్త సంస్థ‌ల‌లో జ‌ర్న‌లిస్టుగా విధులు నిర్వ‌ర్తించాను. జ‌ర్న‌లిజం ప‌ట్ల ఇష్టంతో నేను ఈ వృత్తిని ఎంచుకున్నాను.

Next Story