గన్‌ మిస్‌ ఫైర్‌.. కానిస్టేబుల్‌ తలోకి దూసుకెళ్లిన..

కుమ్రంభీం ఆసిఫాబాద్‌ జిల్లాలో ఓ కానిస్టేబుల్‌ గన్‌ మిస్‌ ఫైర్‌ అయ్యింది. గన్‌ను శుభ్రం చేస్తుండగా.. అది మిస్‌ ఫైర్‌ కావడంతో కానిస్టేబుల్‌కు తీవ్ర గాయాలు అయ్యాయి. ఈ ఘటన తిర్యాణి పోలీస్‌స్టేషన్‌లో జరిగింది. కానిస్టేబుల్‌ కిరణకుమార్‌ తలలోకి బుల్లెట్‌ దూసుకెళ్లిందని పోలీసులు చెప్పారు. ఆయన గన్‌ను క్లీన్‌ చేస్తోన్న సమయంలోనే ఈ ప్రమాదం జరిగిందని పోలీసులు భావిస్తున్నారు. గాయాలపాలై, రక్తపు మడుగులో పడి ఉన్న కిరణ్‌కుమార్‌ను పోలీసులు 108 వాహనంలో బెల్లంపల్లి ఆస్పత్రికి తరలించారు.

ప్రస్తుతం కిరణ్‌ కుమార్‌ పరిస్థితి విషమంగా ఉందని వైద్యులు తెలిపారు. ప్రస్తుతం కిరణ్‌కుమార్‌కు వైద్యులు చికిత్స అందిస్తున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. కానిస్టేబుల్‌ కిరణ్‌ స్వస్థలం మంచిర్యాల జిల్లా తాండూరు మండలం. 132వ బెటాలియన్‌ బి-కంపెనీ కానిస్టేబుల్‌గా కిరణ్‌కుమార్‌ విధులు నిర్వహిస్తుండగా.. ఈ ఘటన జరిగింది.

అంజి గోనె

నా పేరు గోనె. అంజి. న్యూస్‌మీటర్‌ తెలుగులో జర్నలిస్టుగా పని చేస్తున్నాను. గతంలో 99టీవీలో క్షేత్రస్థాయి అధ్యయనం చేశాను. మోజో టీవీలో సంవత్సరం పాటు జర్నలిస్టుగా పనిచేశాను. కలం నా బలం, సమస్యలే నా గళం. జర్నలిజం పట్ల ఇష్టంతో నేను ఈ వృత్తిని ఎంచుకున్నాను.