రివ్యూ రైట‌ర్స్ పై ఫైర్ అవుతున్న సినీస్టార్స్

సినిమా బాగోలేదు అని రాస్తే.. వ‌చ్చిన విమ‌ర్శ‌ల‌ను స్వీక‌రించేవారు ఒక‌ప్పుడు. కాలం మారింది.. అందుక‌నే అనుకుంట సినిమా బాగోలేదు అని రాస్తే.. సినిమా చూడ‌డం రాదా..? లేక రాయడం రాదా..? అని ప్ర‌శ్నిస్తున్నారు ఇప్పుడు. ఈ మ‌ధ్య కాలంలో దువ్వాడ జ‌గ‌న్నాథ‌మ్ కి కాస్త నెగిటివ్ రివ్యూ వ‌స్తే... బ‌న్నీ ఇది క‌మ‌ర్షియ‌ల్ సినిమా. క‌మ‌ర్షియ‌ల్ సినిమా ఇలాగే ఉంటుంది.

ముందు క‌మ‌ర్షియ‌ల్ సినిమా ఎలా ఉంటుందో తెలుసుకోండి అంటూ క్లాస్ పీకారు. అలాగే ద‌ర్శ‌కుడు హ‌రీష్ శంక‌ర్ కూడా బ‌న్నీ స్టైల్ లోనే రివ్యూ రైట‌ర్స్ పై ఫైర్ అయ్యారు. జై ల‌వ‌కుశ టైమ్ లో సినిమాని బ‌త‌క‌నీయండి కాస్త ఆగండి అంటూ యంగ్ టైగ‌ర్ ఎన్టీఆర్ త‌న‌దైన స్టైల్ లో క్లాస్ చెప్పేసారు. ఇక యంగ్ డైరెక్ట‌ర్ త‌రుణ్ భాస్క‌ర్ అయితే... రివ్యూ రైట‌ర్స్ కి ఓ కోర్స్ అంటూ ఉండాలి అంటూ కొత్త‌గా స‌ల‌హాలు ఇచ్చేసారు.

తాజాగా 90 ఎంఎల్ సినిమా రివ్యూ గురించి హీరో కార్తీకేయ స్పందిస్తూ... రివ్యూ రైట‌ర్స్ ఈ సినిమా అస‌లు బాగోలేద‌ని రాయ‌డం.. త‌మ అభిప్రాయాన్ని అంద‌రి అభిప్రాయంగా రాయ‌డం క‌రెక్ట్ కాదు. చాలా మంది బాగుంది అంటున్నారు కానీ.. రివ్యూ రైట‌ర్స్ మాత్రం ఎందుకు ఇలా రాసారో అర్ధం కావ‌డం లేద‌న్న‌ట్టుగా త‌న ఆవేద‌న‌ను వ్య‌క్తం చేసారు.