Fact Check : బ్రహ్మోస్ సూపర్ సోనిక్ మిసైల్ ప్రయోగం విఫలమైందా..?

Viral claim that BrahMos supersonic cruise missile. భారత్ గురించి తప్పుడు వార్తలను పోస్టు చేయడమే పనిగా పెట్టుకునే

By Medi Samrat  Published on  30 Nov 2020 7:56 AM GMT
Fact Check : బ్రహ్మోస్ సూపర్ సోనిక్ మిసైల్ ప్రయోగం విఫలమైందా..?

భారత్ గురించి తప్పుడు వార్తలను పోస్టు చేయడమే పనిగా పెట్టుకునే ట్విట్టర్ ఖాతా 'Irmak Doya' మరో సారి ఓ వార్తను సామాజిక మాధ్యమాల్లో పోస్టు చేశాడు. భారత్ చేపట్టిన సర్ఫేస్-టు-సర్ఫేస్ సూపర్ సోనిక్ మిసైల్ ప్రయోగం విఫలమైందని ట్వీట్ చేశారు.



అకౌంట్ లో ఒక వీడియోను కూడా పోస్టు చేశారు. ఓ మిసైల్ ను ప్రయోగించిన కొన్ని సెకెండ్ల లోనే కూలిపోవడం అందులో ఉంది.

నిజ నిర్ధారణ:

భారత్ చేపట్టిన సర్ఫేస్-టు-సర్ఫేస్ సూపర్ సోనిక్ మిసైల్ ప్రయోగం విఫలమైందంటూ వైరల్ అవుతున్న పోస్టుల్లో 'ఎటువంటి నిజం లేదు'.

వార్తలను చూసుకుంటే భారత్ చేపట్టిన బ్రహ్మోస్ సూపర్ సోనిక్ మిసైల్ ప్రయోగం విజయవంతమైంది. పలు మీడియా సంస్థలు ఈ విషయాన్ని స్పష్టం చేశాయి. కానీ ఇలాంటి వీడియోలను సామాజిక మాధ్యమాల్లో పోస్టు చేసి.. అందరినీ తప్పుద్రోవ పట్టించాలని భావిస్తూ ఉన్నారు. భారత్ చేపట్టిన ప్రయోగం విఫలమైందంటూ ప్రచారం చేయాలని అనుకుంటూ ఉన్నారు.



బ్రహ్మోస్ క్షిపణి ప్రయోగం విజయవంతమైందని భారత ఆర్మీ కూడా స్పష్టం చేసింది. కార్ నికోబార్ ఐలాండ్స్ లో ఈ ప్రయోగం చేపట్టారు. బంగాళాఖాతంలో నిర్దేశించిన లక్ష్యాన్ని బ్రహ్మోస్ క్షిపణి కూల్చి వేసింది. Southern Command Indian Army కూడా భారత్ బ్రహ్మోస్ క్షిపణిని విజయవంతంగా ప్రయోగించిందని 24 నవంబర్ 2020న ట్వీట్ చేసింది. అందుకు సంబంధించిన ఫోటోలను, వీడియోలను కూడా పోస్టు చేశారు. నవంబర్ 24న 10 గంటల సమయంలో బ్రహ్మోస్ క్షిపణి ప్రయోగం జరిగింది. డిఫెన్స్ రీసర్చ్ అండ్ డెవెలప్మెంట్ ఆర్గనైజేషన్(డి.ఆర్.డి.ఓ.) ఈ మిసైల్ రేంజిని 298 కిలోమీటర్ల నుండి 450 కిలోమీటర్లకు పెంచింది.



https://timesofindia.indiatimes.com/videos/news/india-successfully-launches-land-attack-version-of-brahmos-supersonic-cruise-missile/videoshow/79387662.cms

గత నెలలో కూడా భారత నావికా దళం బ్రహ్మోస్ క్షిపణి ప్రయోగాన్ని ఐఎన్ఎస్ చెన్నై నుండి చేపట్టింది. అది కూడా విజయవంతమైంది. ఈ విషయాన్ని
పలు మీడియా సంస్థలు
స్పష్టం చేశాయి.


https://www.businessinsider.in/defense/news/india-successfully-test-fires-its-supersonic-brahmos-cruise-missile-off-the-coast-of-odisha/articleshow/78406136.cms


భారత్ చేపట్టిన సర్ఫేస్-టు-సర్ఫేస్ సూపర్ సోనిక్ మిసైల్ ప్రయోగం విఫలమైందంటూ వైరల్ అవుతున్న పోస్టుల్లో 'ఎటువంటి నిజం లేదు'. భారత్ చేపట్టిన బ్రహ్మోస్ క్షిపణి ప్రయోగాలు విజయవంతమయ్యాయి.




Claim Review:Fact Check : బ్రహ్మోస్ సూపర్ సోనిక్ మిసైల్ ప్రయోగం విఫలమైందా..?
Claimed By:Twitter Users
Claim Reviewed By:Newsmeter Telugu
Claim Source:Twitter
Claim Fact Check:False
Next Story
Share it