FactCheck : కేఎఫ్‌సీ చికెన్ పీసులు వండేశాక కూడా కదిలాయా?
Video of KFC fried Chicken moving was digitally created. వండేశాక మన ముందు పెట్టిన చికెన్ పీసులు కదిలితే ఎలా ఉంటుంది చెప్పండి.
By న్యూస్‌మీటర్ తెలుగు Published on 24 Jun 2023 12:47 PM GMT
వండేశాక మన ముందు పెట్టిన చికెన్ పీసులు కదిలితే ఎలా ఉంటుంది చెప్పండి. అచ్చం అలాంటి వీడియో ఒకటి సోషల్ మీడియాలో వైరల్ అవుతూ ఉంది.
వేయించిన చికెన్ కదులుతున్న వీడియో సోషల్ మీడియాలో వైరల్ అవుతోంది. చికెన్ ముక్కల పక్కన KFC బకెట్ కూడా ఉంది. సోషల్ మీడియా వినియోగదారులు.. KFC లో చికెన్ తినకండి అనే క్యాప్షన్‌తో వీడియోను షేర్ చేసారు.
పలువురు సోషల్ మీడియాలో ఇదే తరహాలో పోస్టులు పెట్టారు.
నిజ నిర్ధారణ :
3D గ్రాఫిక్స్ సాఫ్ట్‌వేర్ అయిన బ్లెండర్‌ని ఉపయోగించి వీడియోను రూపొందించారని న్యూస్‌మీటర్ కనుగొంది.
మేము కీవర్డ్ శోధనను నిర్వహించాము మరియు నవంబర్ 15, 2019 నుండి డెక్సెర్టో నివేదికను చూశాము, ఆ వీడియోకు “TikTok creeped out by viral video of moving fried chicken.” అనే టైటిల్ ను గమనించాం. ఇదొక టిక్ టాక్ వీడియో అని గమనించాం.
టిక్‌టాక్‌లో వీడియో వైరల్ అయింది. వాస్తవికంగా కనిపించే వీడియో కావడంతో అందరూ ఒక్కసారిగా షాక్ అయ్యారు. ఈ వీడియోను మాక్స్ వెరెహిన్ అనే కళాకారుడు పోస్ట్ చేశారని పేర్కొంది.
దీని నుండి క్యూ తీసుకొని, మేము వెరెహిన్ ఇన్‌స్టాగ్రామ్ ఖాతా కోసం వెతికాము. వీడియో నవంబర్ 10, 2021న పోస్ట్ చేశారని కనుగొన్నాము.
తన ఇన్‌స్టాగ్రామ్ బయోలో, అతను తనను తాను 2D/3D కళాకారుడిగా అభివర్ణించుకున్నాడు. అతని ఖాతాలో అనేక విచిత్రమైన చిత్రాలు, రీల్‌లను చూశాం.
వెరెహిన్ ఇమెయిల్ ద్వారా న్యూస్ మీటర్ తో మాట్లాడాడు. కదులుతున్న చికెన్ వైరల్ వీడియో నిజమైనది కాదని.. అతను బ్లెండర్‌ని ఉపయోగించి డిజిటల్‌గా సృష్టించానని చెప్పుకొచ్చాడు.
అందువల్ల, కదిలే చికెన్ ముక్కకు సంబంధించిన వీడియో డిజిటల్‌గా సృష్టించారని మేము నిర్ధారించాము.
Credits : Mahfooz Alam
