FactCheck : రిషి సునక్ అయోధ్యలో రామ మందిర నిర్మాణానికి కోటి రూపాయలు విరాళంగా ఇచ్చారా?

యునైటెడ్ కింగ్‌డమ్ ప్రధాన మంత్రి రిషి సునక్ అయోధ్యలో రామ మందిర నిర్మాణానికి కోటి రూపాయలు విరాళం ఇస్తున్నట్లు సోషల్ మీడియాలో పోస్టులు వైరల్ అవుతూ ఉన్నాయి.

వైరల్ పోస్ట్‌లో విరాళానికి రుజువుగా ఓ చెక్కు చిత్రం కూడా ఉంది.

“భారత సంతతికి చెందిన ఇంగ్లండ్ ప్రధాని రిషి సునక్ హిందుత్వం పట్ల తన పెద్ద మనసును చాటుకున్నారు. విశ్వ హిందూ పరిషత్ ఇంగ్లాండ్ శాఖకు ₹1 కోటి విరాళం ఇచ్చాడు. #హిందూమతానికి మీరు చేసిన కృషిని అనేక తరాలు గుర్తుంచుకుంటాయి” అని హిందీలో క్యాప్షన్ ఉంది.

నిజ నిర్ధారణ :

NewsMeter వైరల్ పోస్టులో ఎటువంటి నిజం లేదని గుర్తించింది.

మేము వైరల్ చెక్ చిత్రాన్ని ఉపయోగించి కీవర్డ్ సెర్చ్ చేసాము. 21 నవంబర్ 2018న OneIndiaలో, 22 నవంబర్ 2018న హిందూస్తాన్ టైమ్స్‌లో ప్రచురించబడిన మీడియా నివేదికలను మేము కనుగొన్నాము.

వన్ఇండియా నివేదిక లో వైరల్ చెక్ చిత్రాన్ని కలిగి ఉంది. "RSS కార్యకర్త రామ మందిర నిర్మాణానికి ₹1 కోటి చెక్కు ఇచ్చాడు" అనే శీర్షికతో ఉంది. “యుపిలోని ప్రతాప్‌గఢ్‌లో రామ మందిర నిర్మాణానికి రాష్ట్రీయ స్వయంసేవక్ సంఘ్ (RSS) మాజీ సంఘ్ చాలక్ ₹1 కోటి విరాళం ఇచ్చారు” అని కథనం నివేదించింది.

హిందుస్థాన్ టైమ్స్ నివేదిక ప్రకారం “అయోధ్య రామమందిర నిర్మాణానికి RSS వ్యక్తి కోటి రూపాయలు ప్రకటించాడు” అని కూడా నివేదించింది. దాత పేరు ప్రతాప్‌గఢ్‌కు చెందిన ఆర్‌ఎస్‌ఎస్ సభ్యుడు సియారామ్ గుప్తా అని మేము కనుగొన్నాము.

అయోధ్య రామమందిర నిర్మాణానికి భారీ విరాళం అందించినందుకు ఆర్‌ఎస్‌ఎస్ నాయకుడు సియారామ్‌ను సన్మానించడం గురించి 2 ఆగస్టు 2020న అమర్ ఉజాలా నివేదికను కూడా మేము కనుగొన్నాము.

దీన్ని బట్టి UK ప్రధాని రిషి సునక్ అయోధ్య రామ మందిరానికి 1 కోటి విరాళం ఇవ్వలేదని స్పష్టంగా తెలుస్తోంది. కాబట్టి వైరల్ అవుతున్న వాదనలో ఎటువంటి నిజం లేదు.

-Credits : Sunanda Naik