బంప‌ర్ ఆఫ‌ర్ ప‌ట్టేసిన యంగ్ హీరో

'నిర్మ‌లా కాన్వెంట్' చిత్రంతో హీరోగా ప‌రిచ‌యం అయ్యాడు రోష‌న్‌. తండ్రి శ్రీకాంత్ న‌ట‌నా వార‌స‌త్వాన్ని పుణికిపుచ్చుకున్నాడు. తొలి చిత్రం త‌రువాత కొంత విరామం తీసుకుని 'పెళ్లి సంద‌D' చిత్రంతో ప్రేక్ష‌కుల ముందుకు వ‌చ్చాడు. అయితే.. ఈ రెండు చిత్రాలు ప్రేక్ష‌కుల‌ను అల‌రించ‌లేక‌పోయినా.. రోష‌న్ న‌టన‌, లుక్స్‌కు మంచి మార్కులే ప‌డ్డాయి. వ‌రుస ఆఫ‌ర్లు వ‌స్తున్న‌ప్ప‌టికీ.. తొంద‌ర ప‌డ‌కుండా ఆచితూచి చిత్రాల‌ను ఎంపిక చేసుకుంటున్నాడు. తాజాగా ప్ర‌ముఖ నిర్మాణ సంస్థ వైజయంతి మూవీస్ బ్యాన‌ర్‌లో ఓ చిత్రంలో న‌టిస్తున్నాడు.

రోష‌న్ పుట్టిన రోజు సంద‌ర్భంగా చిత్ర నిర్మాణ సంస్థ ఈ విష‌యాన్ని తెలియ‌జేస్తూ అత‌డికి పుట్టిన రోజు శుభాకాంక్ష‌లు తెలియ‌జేసింది. ఓపోస్ట‌ర్‌ను విడుద‌ల చేసింది. తాజాగా విడుదలైన పోస్టర్ లో రోషన్ బ్యాక్ పోజ్‏లో కనిపిస్తున్నాడు. ఈ చిత్రానికి నేష‌న‌ల్ అవార్డు విన్న‌ర్ ప్ర‌దీప్ అదైత్వం ద‌ర్శ‌క‌త్వం వ‌హిస్తున్నాడు. స్వ‌ప్నా సినిమాస్ ఈ మూవీకి స‌హా నిర్మాత‌గా వ్య‌వ‌హ‌రించ‌నుంది. కాగా.. హీరోయిన్‌, ఇత‌ర న‌టీన‌టుల వివ‌రాలు తెలియాల్సి ఉంది. ఈ చిత్రంతోనైనా శ్రీకాంత్ త‌న‌యుడు భారీ విష‌యాన్ని అందుకుంటాడో లేదో చూడాలి.