నాని 'సరిపోదా శనివారం' రిలీజ్ ఎప్పుడంటే?
వివేక్‌ ఆత్రేయ డైరెక్షన్‌లో నేచురల్‌ స్టార్‌ నాని 'సరిపోదా శనివారం' అనే సినిమా చేస్తున్న సంగతి తెలిసిందే. తాజాగా ఈ సినిమా రిలీజ్ డేట్‌పై క్లారిటీ వచ్చింది.
By అంజి Published on 10 Dec 2023 7:30 AM GMT
నాని 'సరిపోదా శనివారం' రిలీజ్ ఎప్పుడంటే?
వివేక్‌ ఆత్రేయ డైరెక్షన్‌లో నేచురల్‌ స్టార్‌ నాని 'సరిపోదా శనివారం' అనే సినిమా చేస్తున్న సంగతి తెలిసిందే. ఇప్పటికే వీరి కాంబోలో 'అంటే సుందరానికి' సినిమా వచ్చింది. దీంతో ఈ సినిమాపై నాని ఫ్యాన్స్‌కు క్యూరియాసిటీ ఏర్పడింది. ఈ చిత్రం ఎప్పుడు రిలీజ్ కాబోతోందనేది నాని అభిమానులు ఎదురుచూస్తున్నారు. ఈ విషయమై హీరో నాని క్లారిటీ ఇచ్చారు. తన తాజా చిత్రం 'హాయ్ నాన్న' ప్రమోషన్ లో భాగంగా అమెరికా వెళ్లిన ఆయన అక్కడ వారితో మాట్లాడుతూ... ఆగస్ట్ 2024కు ఈ సినిమా విడుదలకు రెడీ చేస్తామని చెప్పుకొచ్చారు.
ప్రియాంక మోహన్‌ హీరోయిన్‌గా నటిస్తున్న ఈ సినిమాను డీవీవీ ఎంటర్‌టైన్‌మెంట్‌ బ్యానర్‌పై డీవీవీ దానయ్య, కళ్యాణ్ దాసరి భారీ బడ్జెట్‌తో నిర్మిస్తున్నారు. ఈ సినిమా పూర్తిగా మాస్, యాక్షన్ మోడ్‌లో తెరకెక్కుతోంది. ఈ సినిమాలో ఎస్.జె.సూర్య కీలకపాత్ర పోషిస్తుండడం విశేషం. జేక్స్ బిజోయ్ సంగీతం సమకూరుస్తున్నారు. మురళి జి సినిమాటోగ్రఫీ అందిస్తుండగా.. కార్తీక శ్రీనివాస్ ఎడిటింగ్ బాధ్యతలు నిర్వర్తిస్తున్నారు. ఈ సినిమా తెలుగుతో పాటు తమిళం, కన్నడ, మలయాళం, హిందీ భాషల్లో విడుదల కానుంది. నాని నటించిన 'హాయ్ నాన్న' ఈ నెల 7వ తేదీన థియేటర్లలో రిలీజై పాజిటివ్‌ టాక్‌ తెచ్చుకున్న విషయం తెలిసిందే.
