సంక్రాంతికే కాదు.. రిపబ్లిక్ డే రోజు కూడా సంచలనం సృష్టించారు..!

సంక్రాంతికి వస్తున్నాం సినిమా బాక్సాఫీసు వద్ద సంచలనం సృష్టించింది. వీకెండ్స్ లో వసూళ్లు ఏ మాత్రం తగ్గడం లేదు. ఫ్యామిలీ ఎంటర్‌టైనర్‌ కు రిపబ్లిక్ డే రోజు భారీ వసూళ్లు వచ్చాయి. 13వ రోజున ఈ సినిమా ఏ తెలుగు సినిమాకి రాని భారీ షేర్ రాబట్టింది.

సంక్రాంతికి వస్తున్నాం సినిమా బాక్సాఫీస్ వద్ద రెండవ ఆదివారం అసాధారణ కలెక్షన్స్ సాధించింది. తెలుగు రాష్ట్రాల్లో దాదాపు 7 కోట్ల షేర్‌ని వసూలు చేసింది, ఇది ఏ తెలుగు సినిమాకైనా 13వ రోజు పెద్ద మార్జిన్‌తో ఆల్ టైమ్ రికార్డ్ షేర్ అందుకుంది. మునుపటి రికార్డు బాహుబలి 2 పేరు మీద ఉంది. వెంకటేష్ హీరోగా అనిల్ రావిపూడి దర్శకత్వం వహించిన ఈ చిత్రానికి అసాధారణమైన థియేట్రికల్ రన్ దక్కింది. 13 రోజుల్లో సంక్రాంతికి వస్తున్నాం షేర్ కలెక్షన్స్ 140 కోట్లు ఉన్నాయి. ప్రపంచవ్యాప్తంగా గ్రాస్ దాదాపు 220 కోట్లకు చేరుకుంది. ఈ చిత్రం ఫుల్ రన్‌లో 150 కోట్ల షేర్ క్లబ్‌లో చేరడం దాదాపు ఖాయం.