పవన్ కళ్యాణ్, బాల‌య్య 'అన్‌స్టాపబుల్‌' వీడియో గ్లింప్స్ వ‌చ్చేసింది

నందమూరి న‌ట‌సింహం బాల‌కృష్ణ హోస్ట్‌గా చేస్తున్న 'అన్ స్టాప‌బుల్' ప్రేక్ష‌కుల‌ను అల‌రిస్తోంది. తొలి సీజ‌న్‌కు మించి స‌ర్‌ప్రైజ్‌లు ఇస్తూ దూసుకుపోతున్నారు. ఇప్ప‌టికే పాన్ ఇండియా స్టార్ ప్ర‌భాస్‌తో బాల‌య్య చేసిన సంద‌డి రికార్డుల‌ను బ్రేక్ చేసిన సంగ‌తి తెలిసిందే. ఈ ఎపిసోడ్ త‌రువాత ఈ షో పై మ‌రిన్ని అంచ‌నాలు పెరిగిపోయాయి. అందుకు త‌గ్గ‌ట్లుగానే ఆహా బృందం పవ‌ర్ స్టార్ ప‌వ‌న్ క‌ళ్యాణ్‌ను తీసుకువ‌చ్చింది.

ఇక ఈ ఎపిసోడ్ ఆహా ఓటీటీలో ఎప్పుడెప్పుడు స్ట్రీమింగ్ అవుతుందా అని అటు నంద‌మూరి, ఇటు మెగా అభిమానులు ఎంతో ఆస‌క్తిగా ఎదురుచూస్తున్నారు. ఈ క్ర‌మంలో సంక్రాంతి కానుక‌గా ఆహా బృందం ఈ ఎపిసోడ్‌కు సంబంధించి చిన్న వీడియో గ్లింప్స్ విడుద‌ల చేసింది. కాగా.. ఈ వీడియో గ్లింప్స్‌లో పెద్ద‌గా డైలాగులు అయితే లేవు. పవన్ కళ్యాణ్ స్టేజి మీదకు వచ్చిన తర్వాత ''నేను కొన్ని మెజర్‌మెంట్స్ (కొలతలు) తీసుకోవాలి'' అని బాలకృష్ణ అన్నారు. దీంతో ప‌వ‌న్ క‌ళ్యాణ్ న‌వ్వేశారు.

ఇలాంటి చాలా స‌ర‌దా సంభాష‌లు ఉన్నాయ‌ట‌. ఈ వీడియో గ్లింప్స్ అభిమానుల‌ను ఆక‌ట్టుకుంటోంది. పుల్‌ ఎపిసోడ్ కోసం అభిమానులు ఎంతో ఆస‌క్తిగా ఎదురుచూస్తున్నారు.