తండేల్ ఓటీటీ రిలీజ్.. ఆ డేట్ అంటున్నారే?

తండేల్ సినిమాతో నాగ చైతన్య కెరీర్ బిగ్గెస్ట్ హిట్ ను అందుకున్నాడు. కెరీర్ లో వరుస పరాజయాలతో కొట్టుమిట్టాడుతున్న సమయంలో పెద్ద హిట్ అవసరమైనప్పుడు ఒక బ్లాక్‌బస్టర్‌ని అందుకున్నాడు. తండేల్ సినిమా ఇప్పటి వరకు 85 కోట్లు వసూలు చేసింది. టైర్ 2 హీరోలకు సంబంధించి అత్యధిక గ్రాసర్‌లలో ఒకటిగా నిలిచింది.

తండేల్ సినిమా OTT స్ట్రీమింగ్ తేదీని కూడా ఇప్పుడు మేకర్స్ లాక్ చేసారని తెలుస్తోంది. ఈ చిత్రం డిజిటల్ హక్కులను నెట్‌ఫ్లిక్స్ రికార్డ్ ధరకు కొనుగోలు చేసింది. మార్చి 6 నుండి నెట్‌ఫ్లిక్స్‌లో ప్రసారం చేసే అవకాశాలు ఉన్నాయి. ఇతర భాషల మార్కెట్‌లలో ఈ చిత్రం అంతగా రాణించకపోవడంతో ఓటీటీ ద్వారా ఇతర భాషల ప్రేక్షకులను కూడా ఆకట్టుకోవాలని చిత్రబృందం భావిస్తోంది. చందూ మొండేటి తన మునుపటి చిత్రం, కార్తికేయ 2 హిందీలో పెద్ద హిట్‌గా నిలిచింది. అయితే ఈ సినిమా ప్రేక్షకులను థియేటర్‌లకు లాగలేకపోయింది.