'శ్యామ్ సింగరాయ్' ట్రైలర్ విడుదల.. డిఫరెంట్ గెటప్స్లో నాని అదుర్స్‌
Shyam Singha Roy Telugu Trailer. వరంగల్ నగరంలో 'శ్యామ్ సింగరాయ్' సినిమా సందడి నెలకొంది. ఈ సినిమా ప్రిరీలిజ్‌ ఈవెంట్‌ ఘనంగా జరిగింది. కాగా ఈ ఈవెంట్‌లో సినిమా ట్రైలర్‌ను లాంచ్‌ చేశారు.
By అంజి Published on 14 Dec 2021 2:33 PM GMT
వరంగల్ నగరంలో 'శ్యామ్ సింగరాయ్' సినిమా సందడి నెలకొంది. ఈ సినిమా ప్రిరీలిజ్‌ ఈవెంట్‌ ఘనంగా జరిగింది. కాగా ఈ ఈవెంట్‌లో సినిమా ట్రైలర్‌ను లాంచ్‌ చేశారు. న్యాచురల్ స్టార్ నాని హీరోగా నటిస్తోన్న తాజా సినిమా శ్యామ్ సింగరాయ్. ఈ సినిమాకు టాలెంటెడ్ డైరెక్టర్ రాహుల్ సాంకృత్యాన్ దర్శకత్వం వహించారు. నాని సరసన సాయి పల్లవి, కృతి శెట్టి, మడోన్నా సెబాస్టియన్ హీరోయిన్లుగా నటించారు. సినిమాలో నాని రెండు డిఫరెంట్ గెటప్స్లో కనిపించబోతున్నాడు. 'శ్యామ్ సింగరాయ్' నుండి విడుదలైన టీజర్స్, పోస్టర్స్, సాంగ్స్ సినిమాపై చాలా అంచనాలను క్రియేట్‌ చేశాయి. ఈ సినిమాను నిహారిక ఎంటర్ టైన్ మెంట్స్ పతాకంపై వెంకట్ బోయనపల్లి నిర్మిస్తున్నారు.
కలకత్తా బ్యాక్డ్రాప్లో పిరియాడిక్ స్టోరీగా ఈ సినిమా తెరకెక్కుతోంది. ఇప్పటికే షూటింగ్ పూర్తిచేసుకున్న శ్యామ్‌సింగరాయ్‌.. ఈనెల 24న థియేటర్లలో ప్రేక్షకులను అలరించనుంది. సినిమా ప్రమోషన్స్ చిత్రయూనిట్‌ వేగవంతం చేసింది. ఇక సినిమా ట్రైలర్ చూస్తుంటే.. నాని ఫ్యాన్స్‌ కోరుకునే అన్ని అంశాలు ఈ సినిమాలో ఉన్నట్లు తెలుస్తోంది. ట్రైలర్ వచ్చిన ప్రతి డైలాగ్‌ చప్పట్లు కొట్టించేలా కనిపిస్తోంది. ఈ సినిమాలో ముగ్గురు ప్రత్యేక ఆకర్షణగా ఉన్నారు. తెలుగు, తమిళ, కన్నడ, మళయాళ భాషల్లో విడుదలవుతున్న ఈ సినిమాకు మిక్కీ జే మేయర్‌ మ్యూజిక్‌ అందించారు.
