'యానిమల్' టీజ‌ర్ రిలీజ్.. యాక్షన్‌ వయోలెన్స్ మాములుగా లేవుగా

అర్జున్‌రెడ్డి ఫేమ్‌ సందీప్‌ రెడ్డి దర్శకత్వం వహిస్తున్న లేటెస్ట్‌ మూవీ 'యానిమల్‌'. బాలీవుడ్‌ హీరో రణబీర్‌ కపూర్‌ ఈ మూవీలో లీడ్‌ రోల్‌ చేస్తున్నాడు. రష్మిక మందాన హీరోయిన్‌గా నటిస్తోంది. ఇప్పటికే ఈ సినిమా నుంచి రిలీజైన రణబీర్‌ కపూర్‌ ఫస్ట్‌లుక్‌, అనిల్ కపూర్ ఫస్ట్ లుక్, రష్మిక మంధాన ఫస్ట్ లుక్, బాబీ డియోల్ ఫ‌స్ట్ లుక్‌లకు సినీ అభిమానుల క్రేజీ రెస్పాన్స్‌ వచ్చింది. ఇవాళ రణబీర్‌ కపూర్‌ బర్త్‌ డే సందర్భంగా.. ఈ మూవీ నుంచి మేకర్స్‌ టీజర్‌ని రిలీజ్‌ చేశారు. రణబీర్ కపూర్ ప‌వ‌ర్‌ఫుల్ డైలాగ్స్‌తో ఉన్న టీజ‌ర్‌ను చూస్తుంటే గూస్‌బంప్స్‌ రావడం పక్కా.. ఈ భారీ బ‌డ్జెట్ సినిమా పాన్ ఇండియా రేంజ్‌లో బాక్సాఫీస్ కలెక్షన్‌ రికార్డుల‌ను తిర‌గ రాస్తుంద‌నిపిస్తోంది.

పిల్లల గురించి ఆలోచించారా? అవును నేను తండ్రి కావాలనుకుంటున్నాను. నువ్వు నీ తండ్రిలా ఉండవు కదా.? అంటూ రణబీర్ క‌పూర్, రష్మిక మంధాన డైలాగ్‌లతో టీజర్ మొద‌లవుతుంది. రణబీర్ ఈ సినిమాలో రిచ్ కిడ్ అని టీజర్‌ చూస్తుంటే తెలుస్తోంది. త‌న తండ్రి ఎంత చెడ్డవాడైన రణబీర్ మాత్రం నాన్నంటే తనకు హీరో అని చెబుతాడు. ఇక తండ్రీ కొడుకుల మధ్య ఉన్న ఎమోషన్‌ను డీప్ గా చూపించబోతున్నట్లు టీజ‌ర్ చూస్తే తెలుస్తుంది. క్రిమినల్‌ను కన్నామంటూ అనీల్ కపూర్ చెప్పిన డైలాగ్.. కొడుకును మనిషిలా పెంచాలనుకుంటే.. యానిమల్‌గా పెరిగాడనే బాధను తెలియజేస్తుంది. వయసుకొచ్చిన కొడుకును కొడుతూ.. క్రిమినల్ ను కన్నాం మనం అంటూ తండ్రి పాత్రలో అనిల్ ఆగ్రహం వ్యక్తం చేశాడు. ధనవంతుల కుటుంబంలో పుట్టి చాలా సాఫ్ట్ గా ఉన్న అతను వయొలెంట్ గా మారి రక్తపాతం సృష్టించిన తీరును టీజర్ లో చూపెట్టారు. మొత్తంగా ఈ సినిమా తండ్రీ కొడుకుల మధ్య రివేంజ్ లా అనిపిస్తుంది

ఈ సినిమాలో బాబీ డియోల్ మెయిన్ విల‌న్ అని తెలుస్తుంది. భద్రకాళి పిక్చర్స్, టీ సిరీస్ బ్యాన‌ర్‌పై భూషణ్‌కుమార్‌, ప్రణయ్‌రెడ్డి వంగా కలిసి సంయుక్తంగా నిర్మిస్తున్న ఈ సినిమా డిసెంబర్‌ 1న విడుదల కానుంది.