సల్మాన్ ఖాన్‌కు మరోసారి బెదిరింపులు
బాలీవుడ్‌ స్టార్‌ హీరో సల్మాన్ ఖాన్‌కు మరోసారి హత్య బెదిరింపులు కలకలం రేపాయి. రూ.2 కోట్లు ఇవ్వాలని లేదంటే చంపేస్తామని గుర్తు తెలియని వ్యక్తం సందేశం పంపినట్టు ముంబై పోలీసులు తెలిపారు.
By అంజి Published on 30 Oct 2024 6:10 AM GMT
సల్మాన్ ఖాన్‌కు మరోసారి బెదిరింపులు
బాలీవుడ్‌ స్టార్‌ హీరో సల్మాన్ ఖాన్‌కు మరోసారి హత్య బెదిరింపులు కలకలం రేపాయి. రూ.2 కోట్లు ఇవ్వాలని లేదంటే చంపేస్తామని గుర్తు తెలియని వ్యక్తం సందేశం పంపినట్టు ముంబై పోలీసులు తెలిపారు. దీనిపై కేసు నమోదు చేసిన ముంబైలోని వర్లీ పోలీసులు దర్యాప్తు చేపట్టారు. ఇప్పటికే లారెన్స్ బిష్ణోయ్ గ్యాంగ్ సల్మాన్‌ను చంపేస్తామని బెదిరింపులకు గురి చేసిన సంగతి తెలిసిందే. ఈ క్రమంలోనే ఆయనకు భద్రతకు పటిష్ఠం చేశారు.
అటు మంగళవారం నాడు ముంబై పోలీసులు నోయిడాలో సల్మాన్ ఖాన్, అజిత్ పవార్ నేతృత్వంలోని ఎన్‌సీపీ ఎమ్మెల్యే, దివంగత బాబా సిద్ధిక్ కుమారుడు జీషన్ సిద్ధిక్‌లకు సంబంధించిన బెదిరింపు కాల్ కేసుకు సంబంధించి 20 ఏళ్ల వ్యక్తిని అరెస్టు చేశారు. నోయిడాలోని సెక్టార్ 39లో గుర్ఫాన్ ఖాన్ అని పిలువబడే మహ్మద్ తయ్యబ్ అనే నిందితుడిని అరెస్టు చేశారు. బెదిరింపులకు పాల్పడటమే కాకుండా నిందితుడు మహ్మద్ తయ్యబ్ అలియాస్ గుర్ఫాన్ జీషన్ సిద్ధిక్, సల్మాన్ ఖాన్‌లను కూడా డబ్బులు డిమాండ్ చేశాడు.
అక్టోబరు 12న, దసరా సందర్భంగా జీషన్ సిద్ధిక్ కార్యాలయం వెలుపల బాణాసంచా కాల్చుతుండగా బాబా సిద్ధిక్ హత్యకు గురయ్యాడు . ఒక రోజు తర్వాత, లారెన్స్ బిష్ణోయ్ గ్యాంగ్ మాజీ రాష్ట్ర మంత్రి హత్యకు బాధ్యత వహించారు. సల్మాన్ ఖాన్‌తో ఉన్న సన్నిహిత సంబంధాల కారణంగా అతనిపై దాడి జరిగిందని పేర్కొంది. బాబా సిద్ధిక్ హత్యకేసులో ఇప్పటి వరకు 15 మందిని పోలీసులు అరెస్ట్ చేశారు.
