ప‌వ‌న్ అభిమానుల‌కు పండ‌గే.. ఒకేసారి రెండు ఓటీటీలో భీమ్లానాయ‌క్‌

పవర్ స్టార్ పవన్ కళ్యాణ్, రానా దగ్గుబాటి ప్ర‌ధాన పాత్ర‌ల్లో న‌టించిన చిత్రం 'భీమ్లా నాయ‌క్‌'. సాగ‌ర్ కె.చంద్ర ద‌ర్శ‌క‌త్వంలో తెర‌కెక్కిన ఈ చిత్రం ఫిబ్ర‌వ‌రి 25న విడుద‌లై భారీ విజ‌యాన్ని సొంతం చేసుకుంది. మాటల మాంత్రికుడు త్రివిక్రమ్ మాటలు, దర్శకత్వ పర్యవేక్షణ చేసిన ఈ చిత్రాన్ని సూర్యదేవర నాగవంశీ నిర్మించారు. ఇప్ప‌టికి కొన్ని థియేట‌ర్ల‌లో విజ‌య‌వంతంగా భీమ్లా నాయ‌క్ న‌డుస్తుండ‌గా.. అప్పుడే ఓటీటీ విడుద‌ల తేదీని ప్ర‌క‌టించారు. ఒకేసారి రెండు ఓటీటీల‌లో భీమ్లా నాయ‌క్ చిత్రం విడుద‌ల కానుంది.

మార్చి 25న ఈ చిత్రం ప్ర‌ముఖ ఓటీటీ సంస్థ‌లు ఆహా తో పాటు డిస్నీ ప్లస్ హాట్ స్టార్ లో స్ట్రీమింగ్ కానుంది. ఈ విష‌యాన్ని రెండు సంస్థ‌లు త‌మ త‌మ సోష‌ల్ మీడియా ప్లాట్ ఫామ్‌ల ద్వారా తెలియ‌జేశాయి. ఒకే రోజున రెండు ఓటీటీ ప్లాట్‌ఫాంలలో రిలీజ్ చేయడంతో భీమ్లా నాయక్ చిత్రానికి మంచి వ్యూవర్‌షిప్ రావడం ఖాయమని చిత్ర యూనిట్ ఆశిస్తోంది. ఇక ఈ వార్తతో అభిమానులకు పండగ మొదలైంది. ఎప్పుడెప్పుడు మార్చి 25 వస్తుందా అని ఎదురుచూస్తున్నాం అంటూ కామెంట్లు పెడుతున్నారు.

ఇక ఈ చిత్రం విష‌యానికి వ‌స్తే.. మ‌ల‌యాళ చిత్రం 'అయ్య‌ప్ప‌నుమ్ కోషియ‌మ్' రీమేక్‌గా తెర‌కెక్కింది. నిత్యామేన‌న్‌, సంయుక్త మేన‌న్ క‌థానాయిక‌లుగా న‌టించారు. ఈ చిత్రానికి థ‌మ‌న్ సంగీతాన్ని అందించాడు.