గుంటూరు కారం: కుర్చీ మడతపెట్టి ప్రోమో మాములుగా లేదుగా!

సూపర్ స్టార్ మహేష్ బాబు హీరోగా నటిస్తున్న లేటెస్ట్‌ మూవీ 'గుంటూరు కారం'. తాజాగా ఈ మూవీ నుంచి ఫ్యాన్స్‌కు కిక్కెక్కించే అప్‌డేట్‌ వచ్చింది. డైరెక్టర్‌ త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ యాక్షన్ ఎంటర్టైనర్ తెరకెక్కింది. జనవరి 12, 2024 న సంక్రాంతి పండుగ సందర్భంగా ఈ సినిమా విడుదల కానుంది. ఈ సినిమాపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఇప్పటికే ఈ సినిమా నుండి రిలీజైన పోస్టర్లకు మంచి రెస్పాన్స్‌ వచ్చింది. లేటెస్ట్‌గా మేకర్స్‌ ఈ మూవీ నుండి 'కుర్చీ మడతపెట్టి' సాంగ్ ప్రోమోను విడుదల చేశారు. ఈ సాంగ్‌లో మహేష్‌ బాబు, శ్రీలీల ఊరమాస్‌ స్టెప్పులతో అదరగొట్టారు. ఈ మాస్ సాంగ్‌ ఫ్యాన్స్‌ను ఉర్రుతలూగిస్తోంది.

దీనికి సంబంధించిన పూర్తి సాంగ్ రేపు రిలీజ్ కానుంది. ఈ సాంగ్‌కి రామజోగయ్య శాస్త్రి లిరిక్స్ రాయగా, థమన్ మ్యూజిక్‌ కంపోజ్‌ చేశారు. హారిక అండ్ హాసిని క్రియేషన్స్ బ్యానర్ పై నిర్మిస్తున్న ఈ సినిమాలో శ్రీ లీల, మీనాక్షి చౌదరి నటిస్తున్నారు. వీరిద్దరి కెరియర్ లో ఇదే స్టార్ హీరో మూవీ కావడం విశేషం. ఈ సినిమా కోసం సినీ లవర్స్‌ ఎంతగానో ఎదురు చూస్తున్నారు. కాగా ఈ సినిమా ప్రీ రిలీజ్‌ ఈవెంట్‌ను జనవరి 6వ తేదీన హైదరాబాద్‌లో నిర్వహించనున్నట్టు తెలుస్తోంది. అదే రోజు ట్రైలర్‌ కూడా రిలీజ్‌ చేయబోతున్నారని సమాచారం.. దీనిపై అఫీషియల్‌ అనౌన్స్‌మెంట్‌ రావాల్సి ఉంది.