'భారతీయుడు-2' మూవీ ఓటీటీ రైట్స్‌.. భారీ మొత్తానికి అమ్ముడు!

'విక్రమ్‌' సినిమాతో యూనివర్సల్‌ స్టార్‌ కమల్‌ హాసన్‌ ఫుల్‌ ఫామ్‌లోకి వచ్చారు. ప్రభాస్ హీరోగా నటిస్తున్న ‘కల్కి 2898 AD’ లో కమల్‌ కీ రోల్‌ పోషిస్తున్నారు. ఈ సినిమాలో అమితాబ్ బచ్చన్, దీపికా పదుకొనే, ప్రభాస్‌, కమల్‌ హాసన్‌ వంటి పాన్‌ ఇండియా నటులు నటిస్తున్నారు. దీంతో ఈ సినిమాపై అంచనాలు భారీగా పెరిగిపోయాయి. ఇదిలా ఉంటే.. ప్రస్తుతం కమల్ హాసన్ ప్రముఖ దర్శకుడు శంకర్‌ తెరకెక్కిస్తున్న 'భారతీయుడు-2' సినిమా షూటింగ్‌లో బిజీగా ఉన్నారు. కాగా ఇద్దరి కాంబినేషన్‌లో వస్తున్న 'భారతీయుడు-2'పై ఇప్పటికే భారీ అంచనాలు ఏర్పడ్డాయి. శంకర్‌ డైరెక్షన్‌కి ఫుల్‌ ఫిదా అయిన కమల్‌.. రూ. 8 లక్షల విలువగల వాచ్‌ని గిఫ్ట్‌గా ఇచ్చి సర్‌ప్రైజ్‌ చేశారు. ఇటీవల కమల్‌ హాసన్‌ ట్వీట్‌ చేస్తూ.. శంకర్‌ డైరెక్షన్‌ టాలెంట్‌ని చూసి ఆశ్చర్యపోయానన్నారు. ఈ సినిమా శంకర్‌ జీవితంలోనే పతాకస్థాయికి నిదర్శనమని, ఇది ఆయనను ఖచ్చితంగా టాప్‌లో నిలబెడుతుందని, గర్వపడేలా చేస్తుందని అన్నారు.

కాగా 'భారతీయుడు-2' సినిమాను విడుదల కాకముందే ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌ భారీ ధరకు కొనుగోలు చేసింది. ఓటీటీ రైట్స్‌ కింద అన్ని లాంగ్వేజెస్‌లో రూ.200 కోట్లకు ఈ సినిమా నెట్‌ఫ్లిక్స్‌ కొనుగోలు చేసినట్టు సినిమా ఇండస్ట్రీలో బజ్‌ క్రియేట్‌ అయ్యింది. ఈ సినిమా రషెస్ చూసిన నెట్ ఫ్లిక్స్ ఈ భారీ ధరను ఆఫర్ చేసినట్టు సమాచారం. దీనిపై అటు నెట్‌ఫ్లిక్స్‌, ఇటు మేకర్స్‌ ఎలాంటి అధికారిక ప్రకటన చేయలేదు కానీ.. ఈ సినిమాను రూ. 200 కోట్లకు నెట్‌ఫ్లిక్స్‌ కొని ఉంటే ఓటీటీ హక్కుల విషయంలో ఇప్పటి వరకూ ఉన్న అన్ని రికార్డులూ బ్రేక్ అయినట్లే.

'భారతీయుడు -2' సినిమా 90 ఏళ్ల సేనాపతి అనే వృద్ధ వ్యక్తి క్యారెక్టర్‌ చుట్టూ తిరుగుతుంది. 'భారతీయుడు -1' సినిమకు కంటిన్యూగా ఇది ఉంటుంది. ఎప్పుడో 26 ఏళ్ల కిందట కమల్, శంకర్ కాంబినేషన్ లో వచ్చిన భారతీయుడు మూవీ ఎంత పెద్ద హిట్ అయిందో మనకు తెలుసు. ఇక ఇటీవలే 'భారతీయుడు -2' సినిమా షూటింగ్‌ కంప్లీట్ అయ్యింది. ప్రస్తుతం డైరెక్టర్‌ శంకర్‌ అమెరికాలో వీఎఫ్‌ఎక్స్‌ కోసం అమెరికాలో ఉన్నాడు. ఇక ఈ మూవీలో కమల్ హాసన్ తోపాటు కాజల్, రకుల్ ప్రీత్, సిద్ధార్థ్, గుల్షన్ గ్రోవర్, సముద్రఖనిలాంటి వాళ్లు నటిస్తున్నారు. ఈ సినిమాకు అనిరుద్ధ్ రవిచందర్ మ్యూజిక్ అందిస్తున్నాడు. లైకా ప్రొడక్షన్స్, రెడ్ జెయింట్ మూవీస్ సంయుక్తంగా ఇండియన్ 2 మూవీని నిర్మిస్తున్నాయి.