సుదీప్ కిచ్చా 'K3' మూవీ రిలీజ్‌ డేట్‌ వచ్చేసింది

'రక్త చరిత్ర' మూవీతో టాలీవుడ్‌లోకి ఎంట్రీ ఇచ్చిన కన్నడ హీరో సుదీప్‌ కిచ్చా.. 'ఈగ' మూవీతో తెలుగు అభిమానులకు దగ్గరయ్యాడు. ఆ తర్వాత 'బహుబలి', 'సైరా' వంటి సినిమాలతో టాలీవుడ్‌లో మంచి ఇమేజ్‌ క్రియేట్‌ చేసుకున్నాడు. ఇటీవల రిలీజైన 'విక్రాంత్‌ రోణ' మూవీతో సుదీప్‌కు జాతీయ స్థాయిలో గుర్తింపు వచ్చింది. ఈ సినిమాతో కన్నడతో పాటు రిలీజైన ప్రతి లాంగ్వేజ్‌లో విజయం సాధించింది. కాగా గ‌త ఏడాది క‌న్న‌డ‌లో విడుద‌లై బ్లాక్ బాస్ట‌ర్‌గా నిలిచిన 'కోటీగ‌బ్బా-3' ఇప్పుడు తెలుగులో విడుద‌ల‌కు రెడీ అయ్యింది.

తెలుగులో ఈ మూవీని 'K3 కోటికొక్క‌డు' టైటిల్‌తో రిలీజ్‌ చేయనున్నారు. యాక్ష‌న్ థ్రిల్ల‌ర్ నేప‌థ్యంలో తెర‌కెక్కిన ఈ సినిమా సెప్టెంబ‌ర్ 16న విడుద‌ల కానుందని మేకర్స్‌ వెల్లడించారు. ఈ సినిమా జూలైలోనే విడుద‌ల కావాల్సి ఉండగా.. మేకర్స్ 'విక్రాంత్ రోణ' మూవీ టాక్ త‌ర్వాత ఈ సినిమాను విడుద‌ల చేయాల‌ని భావించారు. ఇక 'విక్రాంత్ రోణ' తెలుగులో భారీ విజ‌యం సాధించిన విష‌యం తెలిసిందే. ఈ క్ర‌మంలో 'K3' మేక‌ర్స్ ఇదే సరైన సమయం అని భావించి సినిమాను విడుద‌ల చేస్తున్నారు. శివ కార్తిక్ ద‌ర్శ‌క‌త్వం వ‌హించిన ఈ చిత్రంలో సుదీప్‌కు జోడీగా మ‌డోన్నా సెబాస్టియ‌స్ హీరోయిన్‌గా న‌టించింది.