'ఆర్‌ఆర్‌ఆర్‌' ఓటీటీ రిలీజ్‌ డేట్‌ ఫిక్స్‌

సినీ అభిమానుల ఎదురుచూపుల‌కు తెర‌ప‌డ‌నుంది. అంద‌రూ ఎంత‌గానో ఎదురుచూస్తున్న 'ఆర్ఆర్ఆర్(రౌద్రం ర‌ణం రుధిరం)' చిత్రం డిజిట‌ల్ ప్రీమియ‌ర్‌కు రంగం సిద్ద‌మైంది. మ‌రో వారం రోజుల్లో ఈ చిత్రం ప్రేక్ష‌కులకు అందుబాటులో రానుంది.

ఎన్టీఆర్‌, రామ్‌చ‌ర‌ణ్ ప్ర‌ధాన పాత్ర‌ల్లో ద‌ర్శ‌కుడు రాజ‌మౌళి తెర‌కెక్కించిన బిగ్గెస్ట్ యాక్ష‌న్ ఎంట‌ర్‌టైన‌ర్ 'ఆర్ఆర్ఆర్' మార్చిలో ప్రేక్ష‌కుల ముందుకు వ‌చ్చింది. ఈ చిత్రం బాక్సాఫీస్ వ‌ద్ద క‌లెక్ష‌న్ల సునామీ సృష్టించింది. రూ.1000 కోట్లకు పైగా వ‌సూళ్లు రాబ‌ట్టింది. ఇక ఈ చిత్రం ఎప్పుడెప్పుడు ఓటీటీలోకి వ‌స్తుందా అని అభిమానులు ఎదురుచూస్తున్నారు. తాజాగా ఈ చిత్ర ఓటీటీ తేదీ ఖరారైంది. జీ 5లో ఈ నెల (మే)20 తేదీ నుంచి స్ట్రీమింగ్ కానుంది. ద‌క్షిణాది బాష‌లైన తెలుగు, త‌మిళ‌, క‌న్న‌డ‌, మ‌ల‌యాళీ భాష‌ల్లో అందుబాటులోకి రానున్న‌ట్లు తెలిపింది.

ఇక అదే రోజున యంగ్ టైగ‌ర్ ఎన్టీఆర్ పుట్టిన రోజు కావ‌డంతో.. అభిమానుల ఆనందానికి అవ‌ధులు లేకుండా పోయాయి.