దృశ్యం 3.. తెలుగులో ఉంటుందా.?

మోహన్ లాల్- జీతు జోసెఫ్ కాంబినేషన్ లో వస్తున్న దృశ్యం 3 సినిమా మలయాళంలో షూటింగ్ పూర్తి చేసుకుంది. హిందీ వెర్షన్ ఇటీవలే షూటింగ్ ప్రారంభమైంది. కానీ తెలుగు వెర్షన్ విషయంలో ఇంకా స్పష్టత లేదు. మలయాళ వెర్షన్ ఇప్పటికే షూటింగ్ పూర్తి చేసుకుంది. 2026 ఏప్రిల్ లో విడుదల అవుతుందని ప్రకటించారు. కొన్ని రోజుల క్రితం, హిందీ వెర్షన్ షూటింగ్ కూడా ప్రారంభమైంది. ఇది ప్రస్తుతం సెట్స్ పై ఉంది. అక్టోబర్ 2026 లో విడుదల అవుతుందని ఇప్పటికే ప్రకటించారు.

ఈ చిత్రం ఇప్పటి వరకు సెట్స్ పైకి వెళ్లకపోవడంతో తెలుగు వెర్షన్ పై ఎటువంటి అప్‌డేట్ లేదు. ఇది అభిమానులలో ఆందోళనను పెంచింది. ఇక మలయాళ వెర్షన్ ముందుగా థియేటర్లు, OTT ప్లాట్‌ఫామ్‌లలోకి వస్తే, దాని ప్రభావం ఇతర భాషల బాక్సాఫీస్ అవకాశాలపై ఉంటుంది.