సినీ పరిశ్రమలో విషాదం

మలయాళ చిత్ర పరిశ్రమలో బాలనటుడిగా గుర్తింపు తెచ్చుకున్న హరిమురళి (27), కేరళలోని తన ఇంట్లో మరణించి కనిపించారు. హరిమురళి ముఖ్యంగా మమ్ముట్టి నటించిన 'అన్నన్ తంబి' వంటి చిత్రాల్లో నటించి మంచి పేరు సంపాదించుకున్నారు. 'రసికన్', 'డాన్' వంటి సినిమాల్లో కూడా కీలక పాత్రలు పోషించారు.

27 ఏళ్ల వయసులోనే ఆయన కన్నుమూయడం మలయాళ సినీ పరిశ్రమలో విషాదాన్ని నింపింది. పోలీసులు ఈ ఘటనపై కేసు నమోదు చేసుకుని దర్యాప్తు చేస్తున్నారు. అందుబాటులో ఉన్న సమాచారం ప్రకారం హరిమురళి మృతికి గల కారణాలపై స్పష్టత లేదు. పూర్తి వివరాల కోసం అధికారిక నివేదికలు రావాల్సి ఉంది. బాలనటుడిగా దాదాపు 50 చిత్రాల్లో నటించిన హరిమురళి VFX కళాకారుడిగా చిత్ర పరిశ్రమలో ఉన్నారు. అతడి మృతదేహం ప్రస్తుతం పయ్యన్నూర్ బేబీ మెమోరియల్ హాస్పిటల్ మార్చురీలో ఉంది.