'నేనే వస్తున్నా' పోస్టర్‌ రిలీజ్‌.. క్లాస్‌లుక్‌లో ధనుష్
Dhanush 'Nane Varuven' movie Telugu poster release. తమిళ్ స్టార్‌ హీరో ధనుష్ నటించిన లేటెస్ట్‌ మూవీ 'నానే వరువెన్'. ఈ సినిమా చిత్రీకరణ పూర్తి చేసుకుని రిలీజ్‌
By అంజి Published on 14 Sep 2022 6:14 AM GMT
తమిళ్ స్టార్‌ హీరో ధనుష్ నటించిన లేటెస్ట్‌ మూవీ 'నానే వరువెన్'. ఈ సినిమా చిత్రీకరణ పూర్తి చేసుకుని రిలీజ్‌కు రెడీగా ఉంది. ఈ మూవీకి సెల్వా రాఘవన్‌ డైరెక్షన్‌ చేశాడు. ఇప్పటికే 'నానే వరువెన్' నుంచి రిలీజైన పోస్టర్లు, పాటలు సినిమాపై మంచి అంచనాలను క్రియేట్‌ చేశాయి. ఈ సినిమా సెప్టెంబర్‌ 29న రిలీజ్‌ కానుంది. ఈ నేపథ్యంలోనే మూవీ మేకర్స్‌ సినిమాపై క్యూరియాసిటీని పెంచేందుకు వరుస అప్‌డేట్‌లను ప్రకటిస్తున్నారు. తాజాగా ఈ మూవీ నుంచి మేకర్స్‌ తెలుగు పోస్టర్ను రిలీజ్‌ చేశారు.
ఈ సినిమాకు తెలుగులో 'నేనే వస్తున్నా' అనే టైటిల్‌ను ఖరారు చేస్తూ పోస్టర్ను రిలీజ్‌ చేశారు. ఈ సినిమాను తెలుగులో గీతా ఆర్ట్స్ బ్యాన‌ర్‌పై అల్లుఅర‌వింద్ విడుద‌ల చేస్తున్నారు. 'నేనే వస్తున్నా' మూవీలో ధనుష్ రెండు పాత్రల్లో న‌టించాడు. హీరోగా, విల‌న్‌గా రెండు పాత్ర‌లను ధనుష్ ఈ చిత్రంలో పోషించాడు. ఈ చిత్రాన్ని వి క్రియేష‌న్స్ ప‌తాకంపై క‌లైపులి ఎస్ థాను నిర్మించాడు. ధ‌నుష్‌కు జోడీగా ఎల్లిడ్ ఆవ్ర‌మ్ హీరోయిన్‌గా న‌టించింది. ఇప్పటికే 'తిరు' మూవీతో గ్రాండ్ కంబ్యాక్‌ ఇచ్చిన ధనుష్.. ఈ సినిమాతో మరో హిట్టు కొట్టాలని చూస్తున్నాడు.
గ‌త నెల 18న విడుద‌లైన 'తిరు' మూవీ త‌మిళంతో పాటు తెలుగులో కూడా భారీ విజ‌యాన్ని సాధించింది. ఇదిలా ఉంటే వెంకీ అట్లూరీ ద‌ర్శ‌క‌త్వంలో ధనుష్ నటిస్తున్న 'సార్' సినిమా చిత్రీకరణ దశలో ఉంది.
