హ‌రిహ‌ర‌వీర‌మ‌ల్లు కోసం బాలీవుడ్ స్టార్ వచ్చేశాడు

ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తున్న చిత్రం 'హ‌రిహ‌ర వీర‌మ‌ల్లు'. పిరియాడిక్‌ యాక్షన్ అడ్వెంచర్‌గా తెర‌కెక్కుతున్న ఈ చిత్రానికి క్రిష్ జాగర్లమూడి దర్శకత్వం వ‌హిస్తున్నారు. ఎఎం ర‌త్నం స‌మ‌ర్ప‌ణ‌లో మెగా సూర్య ప్రొడ‌క్ష‌న్ ప‌తాకంపై ఎ ద‌యాక‌ర్ రావు ఈ చిత్రాన్ని నిర్మిస్తున్నారు. ఈ చిత్రంలో ప‌వ‌న్ స‌ర‌స‌న నిధి అగ‌ర్వాల్ న‌టిస్తోంది. ఎమ్‌ఎమ్ కీర‌వాణి సంగీతాన్ని అందిస్తుండ‌గా న‌ర్గీస్ ఫ‌క్రి ఓ కీల‌క పాత్ర‌లో మెర‌వ‌నుంది. ఇప్ప‌టికే ఈ చిత్రం నుంచి విడుద‌లైన ప‌వ‌న్ లుక్‌, గ్లింప్స్‌లు అభిమానుల‌ను విప‌రీతంగా ఆకట్టుకున్నాయి.

శ‌ర‌వేగంగా ఈ చిత్ర షూటింగ్ జ‌రుగుతోంది. తాజాగా ఈ చిత్ర సెట్‌లోకి బాలీవుడ్ స్టార్ న‌టుడు బాబీ డియోల్ అడుగుపెట్టాడు. ఈ చిత్రంలో బాబీ డియోల్ ఓ కీల‌క పాత్ర‌లో న‌టిస్తున్నారు. ఆయ‌న‌కు సంబంధించిన స‌న్నివేశాల చిత్రీక‌ర‌ణ‌లో పాల్గొన‌డానికి నేడు హైద‌రాబాద్ వ‌చ్చారు. ఈ చిత్రంలో బాబీ డియోల్ ఔరంగ‌జేబు పాత్ర‌లో న‌టించ‌నున్న‌ట్లు తెలుస్తోంది. వాస్త‌వానికి ఈ పాత్ర‌ను అర్జున్ రామ్‌పాల్ చేయాల్సి ఉంది. అయితే.. ఆయ‌న కొన్ని కార‌ణాల వ‌ల్ల ఈ చిత్రం నుంచి త‌ప్పుకున్నారు.

దీంతో ఆయన ప్లేస్‌లో బాబీ డియోల్‌ను చిత్ర బృందం తీసుకుంది. ఈ నేప‌థ్యంలో ఆయ‌న‌కు స్వాగ‌తం ప‌లుకుతూ చిత్ర బృందం ఓ ప్ర‌త్యేక వీడియోను విడుద‌ల చేసింది. ఇందులో ఆయ‌న లుక్ ఆక‌ట్టుకుంటోంది.